蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年03月08日
馬上成為壹會員

隔牆有耳:真假小儀碰頭 互讚好身材 - 李八方

唐唐太太郭妤淺為咗拯救受私生子傳聞困擾嘅老公,噚日破天荒晨咁早去商台接受訪問,幫唐唐消毒。唐太一向被指同商台DJ阮小儀好似樣;既然去到商台,主持人李慧玲都把握機會,安排咗真、假小儀同台亮相,兩個仲互笠高帽。其後唐唐都喺微博上載真假小儀合照,留言話「真的有點像」。
話說噚日訪問完畢後,李慧玲問唐太知唔知有人話佢同小儀似樣,唐太話未見過小儀;如果小儀喺度,都想見吓佢,講完小儀即時現身直播室;「真假小儀」終於碰頭,似足母女重聚。
唐太見到小儀後,大讚小儀笑容好正,仲話做人最緊要樂觀同開心;唔怪得唐唐咁曳,唐太都咁寬宏大量啦。小儀就大讚唐太除咗講嘢好過唐唐,身形仲好鬼正,特別係條纖腰,仲大笑話二人嘅「cupcup」一模一樣㖭。

唐唐密會蔡東豪

至於有冇因為唐太而對唐唐加分?小儀話冇,反而力撐唐太選特首,話覺得唐太好有中國女性嘅傳統美德,對丈夫好信任,如果唐太有份選特首,一定支持佢。而於唐唐同狼振英喇喎,顯然得唔到小儀歡心,佢對呢兩位男士保持中立。
連小儀嘅節目拍檔森美,都對唐太讚不絕口,話唐太為人好風趣,因為佢介紹自己點解叫「郭妤淺」時,竟然大爆係因為阿爸同阿媽喺淺水灣「搞嘢」,所以生咗佢出嚟,森美笑笑話:「大人物完全唔怕呢啲敏感話題,真係加分」。而喺唐太出外應戰之時,唐唐就密會才子;究竟喺邊位?據聞係蔡東豪。

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載