› 選擇地區
三藩市
紐約
洛杉磯
其他美國地區
香港 台灣 北美
 
2012年03月05日

隔牆有耳:鐵頭仁微博殺入內地 - 李八方

鐵頭仁已紅到內地,騰訊微博獲近六萬網友關注。

騰訊QQ微博前日全程同步網上文字「直播」特首候選人首場選舉論壇,搞得成呢件事,背後原來有唔少工夫。八方聽聞,騰訊主動接觸白鴿黨邀請仁哥開戶口後,白鴿黨反而提醒對方,根據香港條例,媒體要俾候選人公平均等發言同曝光時間,否則隨時被選管會「叉輪」。為免犯例,QQ小心翼翼,所以周六朝早等個論壇開始後先開通仁哥戶口,免俾人話偏幫。
最終仁哥成功透過QQ殺入內地,至今已經俘虜近六萬個網友芳心,關注度真係超過兩會開幕,仲高過同佢同日開戶口嘅唐唐㖭呀,因為唐唐只有近四萬個關注。
之後會唔會被河蟹?只有中共先知嘞。須知道仁哥個大名喺內地係禁忌。原來唔少內地網民都好關注仁哥上次喺老麥畀人打之後,仲敢唔敢幫襯麥記?黨友吳永輝代答,何俊仁都係因為代表弱勢打官司而被打,因此得到「鐵頭仁」個朵,順勢做埋宣傳。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載