› 選擇地區
三藩市
紐約
洛杉磯
其他美國地區
香港 台灣 北美
 
2012年03月05日

潮媽開網 物資大交流
網友響應 慳錢環保一舉兩得

【本報訊】潮流講環保,近期出現了不同形式以物易物的網站。潮媽Carol發覺BB長得很快,用品不斷買不斷丟很不環保,遂架設交換網站,除以物易物外,還可交流照顧BB經驗,受到許多媽媽甚至爸爸歡迎。也有年輕人以開Party方式以物易物,首次效果喜出望外,將繼續辦。積少成多,望滙集成澎湃的環保潮流。
記者:陳炳業

寶寶交享樂網站( http://www.totswop.com/en/ )

主人是33歲的潮媽Carol,她10歲時移民加拿大,生活和教育都很着重保護環境,環保意識很早就植根。她說:「當地人習慣循環再用物資,有好多二手店,自己經常到呢啲店逛,讀大學都選咗同環保有關嘅地理環境系統資訊科,又喺加拿大政府環境部門實習。06年結婚後丈夫同自己都想返香港發展,08年返港喺公關公司做市場推廣三年,直到個仔兒一歲後想花多啲時間照顧佢,所以就辭工。」
Carol的囝囝現年兩歲,她發覺寶寶三數個月已經大了一個碼,小小衣服和玩具都很快「用唔着」,見外國嬰兒物品交換網站很受歡迎,為了想在家照顧囝囝又想工作,靈機一觸成立這個網站。

可交流照顧BB經驗

她說:「初初做媽媽唔識照顧初生BB,好多困難同感受好難搵人傾,呢個方法環保之餘又可以同其他父母交流經驗,對自己同其他父母都有幫助。」至今網站已約有100個用家登記,全部是朋友之間相傳知道,用家只要登記及上載BB物品又或撰寫分享文章到網站換取積分,物品價值越高,就要越多積分來換。
Carol表示,上載物品貨價每一元便可換一分,網站只靠收廣告費維持,用家則完全免費。現有不同物品供交換,如名牌CombiHighChair餐桌椅原價約2,000元,易手積分只要350分。百多元的TOMMYHILFIGER小恤衫只要65分便可換到。部份嬰兒鞋和帽等物品更是全新貨。
黃太以囡囡兩件價值約50元的BB衫,交換了兩本要45分的幼兒英文書。她說:「大女出世時係冬天,本來想留姐姐啲衫畀佢着,點知細女出世係夏天,衫着過幾次好新但太厚夏天又用唔到。發覺交換BB物品嘅主意好環保,又可以同其他父母交流心得。因為大肚時唔方便走動,但係又想Shopping,到網站交換嬰兒物品約定喺港鐵站交換,唔使錢仲識到新朋友,好開心。」

80後搞網開P執嘢

同樣以物易物的「執嘢」網站( http://www.jupyeah.com )

由六個志同道合的80後好友成立。創辦人之一女孩子Ren說:「執到好嘢又唔使錢,成件事好好玩又環保。」她說六年前見過外國有大型交換衫褲物品嘅Party,很想在香港做一個同樣嘅交換物品Party,「上年喺facebook開咗個網頁通知朋友帶唔需要嘅裙、飾物或者物品去交換嘅地點,會場有音樂同簡單飲品,入場條件係要帶物品來交換,通知咗廿幾人,點知當日成60幾人到場,非常咁受歡迎」。
做設計工作的搞手Pete說:「咁做係善用資源,將唔需要又完好嘅物品搵個新主人,又可識新朋友,唔使錢又好玩,我哋會不定期再舉辦。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載