› 選擇地區
三藩市
紐約
洛杉磯
其他美國地區
香港 台灣 北美
 
2012年03月04日

倒董再倒曾 為保港廉潔

從事保險業的袁先生上一次遊行是03年倒董,今次再走出來是不滿曾蔭權損港廉潔形象。

【本報訊】「曾蔭權,下台!下台!下台!」昨天遊行隊伍中,不乏曾經參與03年倒董50萬人大遊行的市民;事隔八年再出動,不少市民表明不值曾蔭權的所作所為,必須用行動表達不滿,踢走「曾貪官」。
從事保險業的袁先生,上一次出來遊行是03年上街倒董;眼見身為特首的曾蔭權竟然接受富商款待,他氣憤難平,實行倒董過後再倒曾。袁先生責曾蔭權學足內地的貪官文化,令香港廉潔形象受損,「佢有少少似國內嘅貪官咁樣,因為呢種文化以前唔會喺香港出現㗎,佢真係有樣學樣,而呢種意識形態係值得我哋所有、甚至每一個香港人企出嚟反對。」

相關新聞:清廉形象一鋪清 下屬憤怒了公僕要拉曾下馬

希望有權揀特首

他斥曾蔭權在立法會的道歉「虛偽」,絕對「唔收貨」,諷刺指:「呢啲戲我都識做啦,你食完、拎完,出嚟喊兩句,你覺得可以冇事咩?我認識有啲公務員,只係坐一次公家車返屋企,因為順路,都俾廉署捉咗佢啦,更何況特首坐完人哋架飛機、食完人哋餐大餐。」他強調曾蔭權必須下台。
在科大教心理學的譚先生昨亦與女友陳小姐「拍拖」遊行。雖然今次遊行路線較03年倒董更長,但他相隔八年後決定再行出來,「過去幾年都冇參加遊行,因為大家訴求唔一樣,但今次明顯目標清晰,就係要曾蔭權落台」。
他批評現時小圈子選舉制度,未能令貪腐的曾蔭權下台,小圈子選舉更是一場鬧劇,「候選人我哋冇機會揀,又冇機會踢佢落台;做緊特首嘅有咁多問題,佢只喺一句道歉就算;希望將來有普選嘅時候,我哋可以決定到邊個做特首,佢有做得唔啱嘅地方,我哋可以踢佢走」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載