› 選擇地區
三藩市
紐約
洛杉磯
其他美國地區
香港 台灣 北美
 
2012年03月01日

眼見今日特首 憶起當年葛柏

莫昭如曾在七十年代上街「反貪污、捉葛柏」,時移世易,他如今慨嘆香港受大陸影響日深,「做大生意,有邊個可以唔貪?」

【踢走爛攤子】夕陽高官,窮得只剩下廉潔。偏偏特首曾蔭權擁抱腐敗,「問心無愧」地接受富豪提供的平價享樂。回歸15年浮現的反貪腐怒潮,令人聯想到七十年代的「反貪污、捉葛柏」風暴。時移世易,當年有份上街的莫昭如慨嘆,香港官場、商場的處事手法越來越接近大陸,「等到2047年,香港大概會好似大陸般腐敗」。
七十年代未,數以千計警務人員衝上廉政公署執行處搗亂,莫昭如記憶猶新:「喺1974年之前加入警隊嘅人,每間警署、每個人,每個月打開櫃桶就有錢,唔使出聲、唔使問。當時嘅貪污係一個制度性問題。」莫昭如當年活躍於社運,曾參與「反貪污、捉葛柏」大遊行。他曾在保釣示威時被捕,被帶返中區警署問話,「坐館個大sir都係姓莫,後來畀ICAC拉,要着草」。

相關新聞:特首譏諷賜惡名旅發局大花筒

貪婪與獨裁破壞香港

香港好不容易才有今天的廉潔,當天的熱血青年,如今已頭髮斑白。眼看幕幕官商勾結、特首貪腐的醜聞,65歲的莫昭如慨嘆,回歸後的香港,集資本主義的貪婪與中共政權之獨裁於一身,是theworstofbothworlds(兩個世界的最壞)。香港已成為中國官僚體制一部份,令他對前景甚為悲觀。
「你諗吓,香港嘅富豪去到大陸做生意,佢哋究竟係點樣收地?點可以唔沾上貪污嘅渾水?當我哋嘅高官、商賈越嚟越接受大陸嘅處事手法,香港嘅官場文化點會唔受影響?」洗黑錢、高官收着數,慢慢習以為常,「香港走向中國,如果中國冇改變,等到2047年,香港大概會好似中國咁腐敗」。
莫昭如說,香港特首的月薪比美國總統還要高,偏偏有人為官抱着「搵多一蚊就一蚊」的心態,權力令他產生更多物欲,越來越渴求奢華享受,「佢咁易接受款待,究竟有冇諗清楚?」莫昭如認為,曾蔭權的醜聞不過是民怨的觸發點,問題根源是小圈子選舉制度,「唐英年點解有僭建仲可以自以為是?如果佢選到特首,我諗香港唔可以有效管治。如果由梁振英做特首,好多人都會有顧忌」。雙普選實在刻不容緩。記者:雷子樂

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載