› 選擇地區
三藩市
紐約
洛杉磯
其他美國地區
香港 台灣 北美
 
2012年01月25日

美聯高層爆粗八分鐘
罵員工白癡 涉教唆呃客

美聯物業一名吳姓高層,本月中曾到銅鑼灣的分行開會,用粗口辱罵30多名前線員工。馬泉崇攝

【本報訊】樓市陷入低潮,地產代理生意難做,慘成管理層「出氣袋」。本報接獲美聯物業員工投訴,指公司一名吳姓高層日前與員工開會時,爆粗狂罵員工白癡,「盲字又唔識英文又唔識」;又教員工隱暪事實真相,「你家數據生意好差,但出去可以話好好㗎,噏之嘛。」員工批評吳等同叫員工向客戶講大話,有違專業操守,事件主角否認說過這番話,美聯則對事件不予置評。記者:盧文烈

有美聯物業銅鑼灣分行員工向本報投訴,指1月中姓吳的營業董事到美聯銅鑼灣嘉薈軒分行,與灣仔及銅鑼灣區前線地產代理及管理層合共30多人開會,分析二手市場最新形勢,員工不滿吳在會上發狂大鬧員工,偷偷錄下他的談話,交給本報。

指責銷售成績差

該段長約八分鐘的錄音,只出現一把相信是地產代理公司高層的聲音,該高層不斷爆粗,指責前線員工銷售成績欠佳,「你班友知乜嘢叫投資㗎,識唔X識㗎?」「投資嘅嘢你有乜理由零生意,你班X樣如果做銀行仲唔仆街。」他又責怪管理層領導無方,「我都唔知你哋管理層返嚟做乜,唔好返囉,冇所謂,炒X晒佢囉。」
該高層提醒員工要主力做二手盤,「最緊要係生意,你冇就係你唔夠professional」;之後狂踩員工「你租約又唔識睇,可能盲字又唔識英文又唔識,買賣又孤陋寡聞……可能睇查冊又唔X識,究竟呢樣嘢買唔買得過你都唔X知,梗係戇XX啦,總之乜都戇XX,咪做唔X到囉,聽唔聽得明呀……白癡。」
他又教員工游說顧客買樓時要「砌啲數據出嚟,冇數據都唔怕㗎,你家係X噏,你咪砌囉,唔啱講到啱。」又教員工隱暪事實真相,「家數據生意好差,但你出去可以話好好㗎,噏之嘛,但你個樣一啲信心都冇,你唔大奸大惡,你連講大話都唔識」,提醒員工「掉轉去做啲嘢咪搞掂囉」。
他對員工說,買樓是賭博,「就算市靜都會有人同你賭博,非法嘅嘢日日都有人做啦,你再冇數都鋌而走險㗎,你揸支槍走去搶吖,仆街。」「你應該叫人賭博,你就係冇X用,叫人唔X去賭。」他之後又不點名批評特首候選人唐英年及梁振英,提出加建公屋的建議是亂噏,叫員工「唔使理佢」。

否認爆粗罵員工

員工指,當時吳對員工「唔止鬧咗8分鐘」,其後更逐一向他們訓示,員工不滿吳將他們踩到一文不值,又教員工講大話,缺乏專業操守,「佢簡直當啲客白癡。」本報日前致電吳,他表示沒有爆粗鬧員工,「爆粗應該冇」,並否認發表上述談話,強調自己當日未有到嘉薈軒,直指有人大整蠱,但當記者要求他先聽錄音後才作回應,他則斷然拒絕。美聯發言人聽過該聲帶後則指,由於聲帶難以證實真偽,因此不予置評。

美聯高層爆粗示意圖

話你知:從業員應如實陳述

就此事件本報向地產代理監管局查詢,發言人稱不宜評論個別個案。但根據監管局發出的《操守守則》,地產代理和營業員在經營過程中,必須秉持誠實、忠誠和嚴正的態度向客戶提供服務。他們應保障客戶在地產交易中不因欺詐、失實陳述或不合專業操守的行為而受損。若從業員在從事地產代理工作過程中違反守則,可能會被紀律處分。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載