› 選擇地區
三藩市
紐約
洛杉磯
其他美國地區
香港 台灣 北美
 
2012年01月09日

隔牆有耳:財爺威到多倫多 - 李八方

多倫多大學圖書館竟然展示咗鬍鬚曾嘅預算案演辭,鬍鬚曾執到寶咁影相留念威吓。

全城香港人關注豬、狼動向,對夕陽政府已經不屑一顧;就算鬍鬚曾下月發表任內最後一份財政預算案,即係佢嘅告別作,市民都冇乜興趣咁喎。唔知係咪要吸引番市民注意力,鬍鬚曾噚日喺個人網誌上預告今年經濟發展有好多暗湧時,突然上載一張年前訪問多倫多大學時發現大學圖書館展示佢09年預算案演詞、即時如獲至寶影相留念嘅威水照片,自然又搶到唔少注意。
但鬍鬚曾講完一大輪,都冇預告預算案有乜利民紓困措施,只係話喺歐債風波嘅變動時刻下,一套回歸基本嘅公共財政紀律,格外珍貴;如果冇儲備而又要擴大開支,香港就會出現歐洲地區嘅兩難困局喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載