› 選擇地區
三藩市
紐約
洛杉磯
其他美國地區
香港 台灣 北美
 
2012年01月09日

隔牆有耳:新民黨周歲 嶽曲露兩手 - 李八方

「官場技安」周一嶽局長(右)再獻技,今次仲玩埋二部;左為田二少。

新民黨近年氣勢如虹,主席葉劉淑儀幾乎要選特首咁滯,證明呢個新生政黨唔好惹,所以噚日新民黨周年晚宴,唔少高官包括政務司司長林瑞麟同食物及衞生局局長周一嶽都畀面到場,同葉劉做朋友好過做敵人。

搵田二少合唱

主人家葉劉以一身火紅戰衣現身,八方問佢係咪呢期爆紅嘅D&G?葉劉自嘲身材好唔掂,點着得起呢隻好yeah兼且經常Bra-top款嘅潮牌?身上嗰件係Armani啫。葉劉都大鬧D&G離晒譜,有乜理由唔畀人喺門口影相,覺得佢哋除非道歉,否則平息唔到民憤。同樣係時裝店(G2000)老闆嘅田二少都係咁話,以行家身份勸D&G回頭是岸,佢話自己啲舖任影唔嬲。
「官場技安」周一嶽到訪,點可以唔露兩手?一身賀年打扮嘅佢今次唔再solo,搵埋田二少合唱《沉默是金》,局長呢次水準唔錯,臨尾仲特登拉長個音玩震音咁款。兩位人兄唱完一首唔夠喉,整多首民歌《AllIhavetodoisdream》,七情上面嘅局長仲唱二部,唔通真係想轉行賣唱?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載