蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年12月19日
馬上成為壹會員

沙膽虹手記:like豬 但更愛鵝 - 沙膽虹

黃大狀娶媳婦,上周五喺陸羽擺酒,聽伙記講,咁多年來陸羽只做過兩三次婚宴酒席,可見黃大狀幾咁有「飛士」。
沙膽虹一到埗,見黃大狀面紅紅、四萬咁口揸住杯香檳過嚟,「喂,沙膽虹,你寫一寫,多咗五十人要嚟飲呀,點算?」佢話陸羽二、三樓加埋都只係開得十五圍,搞到要得失各路好友,真係好唔好意思咁話。
此時也,陸羽三樓賓客如雲、高朋滿「立」。肥佬黎一早就到場恭賀,企咗一陣就走,香港民主之父馬丁夫婦和食神韜韜都坐到尾。
沙膽虹同《壹》仔楊社長、堅哥和馬丁夫婦同席,食第一味乳豬全體時,馬丁話自己唔食豬,但夾咗塊乳豬畀楊社,仲問:「幾時請阿豬入去(《壹》仔)食飯。」
楊社話:「佢都唔肯入嚟!」
馬丁又問:「咁狼又請得到?」
楊社:「係佢自己話要嚟㗎!」原來,狼對楊社長都幾有好感,但佢可能唔知,楊社喺豬狼兩者中寧願揀豬,因為豬起碼廢除過兩個稅,紅酒稅和遺產稅,令楊社好like。楊社話,要廢一個稅都唔易,何況佢做財政司司長任內廢兩個稅?!
其實,楊社更鍾意鵝。席間除了食咗一隻燒鵝髀外,仲將大半隻燒鵝打包走。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載