› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

沙膽虹手記:Trial&Error - 沙膽虹

《爽報》晚版出咗一個多禮拜,派報反應如何?負責發行的勤力德話派得爽過之前中午版好多,只係第一天配紙唔勻要四圍調紙,之後都好順好爽。
《爽報》總經理Andrew仲興奮,佢話第一晚喺港鐵車廂,清一色見到全部人都揸住《爽報》晚版睇,真係好耐都未見過咁震撼嘅場面。佢仲話,最初《蘋果》創刊,見到全車廂都係睇《蘋果》,後來免費報紙出現,就變成全車廂都睇免費報紙,少咗人睇《蘋果》。家《爽報》晚版又有番呢個勢,所以佢話晚版好有得做咁話。
難怪肥佬黎話《爽報》晚版可能係金礦!今次畀佢試吓試吓,可能又試咗條新路出來!其實,當初《爽報》出午版,皆因印刷機唔夠支援,要印一百萬份分分鐘印到好晏。與其印得晏,不如就出午版;與其出午版,當然就盡量改版,加入新料。及至上個月中,董社長放假,有閒暇喺weekday去中環食晏,發覺《爽報》午版攞嘅人唔係咁踴躍,於是在周五例會提出,肥佬黎二話不說就決定改出晚版,點知反應出奇地好!沙膽虹估計,以肥佬黎性格,聽到咁嘅反應,肯定會谷《爽報》晚版,仲會要求改更多內容!
沙膽虹第一天寫這個欄,就開宗明義話《爽報》唔係要走現時免費報紙嘅老路,而係一條新路,一個結合傳統媒體與新媒體嘅平台。呢條新路唔係靠上帝度條好橋畀我哋,而係好似肥佬黎話齋,不斷trial&error,每解決一個困難,為顧客帶來一個方便,就進了一步。所以我哋會不斷嘗試,不單在audio及video上,連早被淘汰的晚報都嘗試復活,簡直不可思議。《爽報》晚版被市場受落,亦是我們《爽報》同寅的一大鼓舞。

沙膽虹

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載