› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

隔牆有耳:盛品儒搵富二代亮相 - 李八方

三位富豪之後霍啟剛(右起)、葉振都及莊家彬上鏡,接受陳啟泰訪問。

被喻為「中央10台」嘅亞視,做喉舌不遺餘力,執行董事盛品儒最近構思咗個新節目,請富二代、三代清談個人愛好、生活經歷、內心世界以至個人抱負。
新節目名為《香港青年聯會特約:What's噏》,由亞視「一哥」陳啟泰主持,打頭炮嘉賓係三個青聯成員霍啟剛、莊家彬同葉振都,講吓加入青聯趣事,爆料曾參加《殘酷一丁》節目個「拉丁霍啟剛」申請入會,講笑話要第一時間批准。
青聯係「阿爺」穿針引線用嚟統戰香港富二代、三代嘅組織,富豪之後為求上位,好捨得出錢出力搞青聯活動,呢個特約節目着重討論社會問題,希望緩解仇富情緒。
八方聽聞盛品儒稍後都有可能客串做主持,以佢外形,有可能打造成「亞視陳志雲」。首集節目星期日晚10點本港台出街,呢個時段,好「蝦」人睇喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載