› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

隔牆有耳:蜘蛛俠接新娘 街坊報警 - 李八方

咁多蜘蛛俠現身,嚇到街坊報警。其實蜘蛛俠係兄弟團,純粹贈興,唔係搞事。

香港人結婚越搞越大,唔只喺拍婚照同行禮地點別出心裁,連兄弟姊妹團都零舍多花臣。不過香港人神經亦特別緊張,好多時對新事物未必一下子接受到,兼且會從負面方向諗。最近東涌街頭一班兄弟團,就被街坊投訴嚇親人嘞。
資深婚禮傳媒人林寄韻喺facebook分享,佢朋友星期一喺東涌街頭遇到一班蜘蛛俠兄弟接新娘,場面非常震撼,超爆超型。但係,唔知點解最後竟然要出動警察嚟贈興。
原來附近有街坊俾班蜘蛛俠嚇親,情急之下報警,指行俠仗義儆惡懲奸嘅蜘蛛俠會令小朋友不安,想叫警察拉晒佢哋咁話!
呢單嘢喺facebook好大迴響,短短三日已經得到逾2,000個讚!(八方都有份)林寄韻寄語香港人放鬆啲:「人家開開心心辦喜事,唔該唔好係又不安,唔係又不安啦!唔通你去主題公園見到米老鼠又不安要報警咩?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載