› 選擇地區
三藩市
紐約
洛杉磯
其他美國地區
香港 台灣 北美
 
2011年11月26日

隔牆有耳:東院道官小,那些年
前校長係華叔哥哥 - 李八方

司徒華哥哥司徒明喺《我們來自東院道官小》刊出兒時照片,左起:司徒明、華叔同家姐秀靈。

銅鑼灣東院道官立小學1958年創校,1977年停辦,識得嘅人應唔多,家嘅何東中學校舍,就係當年嘅東小。短短19年半,名人校友輩出,好似公民黨湯家驊、資深大狀陳景生、中大醫學院院長霍泰輝、《經濟日報》主席馮紹波同出書揭地產霸權嘅潘慧嫻等等。
東小師生好齊心,經常搞聚會,籌備多時嘅回憶錄《我們來自東院道官小》成書。家咁興「那些年」,74年畢業嘅傳媒人游清源就講小六時成功追到初戀情人,點似家啲小學雞淨係識搵阿媽。佢叫個女仔做「荷包蛋」,後來先知呢個係關於女仔身體部份嘅玩笑,最後當然冇結果。
支聯會已故主席華叔嘅哥哥司徒明,曾任東小校長,佢撰文提到,睇完《大江東去》先知道佢結婚前一直同一張床瞓嘅華叔,原來同中共有咁大聯繫。佢又話父親臨終前,曾叫幾兄弟勸止司徒強入新華社打工,佢幫忙搵咗份勝家衣車售貨員工畀阿強,不過阿強愛國情濃,勸唔聽,後來新華社破格每月畀多50蚊特別津貼阿強,為期一年,助佢幫補家用。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載