› 選擇地區
三藩市
紐約
洛杉磯
其他美國地區
香港 台灣 北美
 
2011年10月13日

拆局
轉軚賣大包 全心討好中央

特首曾蔭權在他任內最後一份施政報告「賣大包」,把任內大部份不肯做的民生措施,幾乎全部推出台,不少政界人士均認為,曾除了想借此「博掌聲、挽民望」,以求風光下台外,也要向中央「交差」,回應北京要他搞好民生問題的指示,為他卸任後爭取「一官半職」加分。
有熟識曾蔭權的政圈人士指出,雖然他多次表明不重視低沉民望,但曾蔭權為人頗自負,「佢唔會想自己8個月後卸任時,民望重低過董建華」,因此他一定要用今次施政報告的最後機會,為自己民望打一支「止瀉針」,「唔會大升都好,起碼唔好再跌落去,令自己喺罵聲中落台」。
除了要急救民望外,早前港澳辦主任王光亞訪港,當面要特區政府果斷解決房屋及民生問題,又指要防止民生問題變成政治問題。

相關新聞:治港七年 民望72跌至48

謀卸任後有一官半職

有親北京政界人士指出,王的言論等同向曾蔭權下達工作「指示」,曾一定要在施政報告中「交功課」,「早排已經好多人向北京打小報告,話曾蔭權乜都唔想做,所以王光亞先會落指示叫佢搞好民生同樓價問題。曾蔭權好識睇上司面色,知道一定要向中央交差,所以佢係今次施政報告入面要做到加零一,派糖派到突晒。」
另一名政界人士則說,曾蔭權仍然要向中央爭取好印象,因為以他性格,仍想在卸任後有「一官半職」,保持自己政治地位及影響力。「雖然佢(曾蔭權)人前人後唔認,但係董建華、何厚鏵卸任都有得做政協副主席,佢退休就算冇政協副主席做,都要有番咁上下份量嘅職位!」由於曾蔭權對中央有所求,今次施政報告自然要做得更好,討中央歡心。《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載