蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年09月16日
馬上成為壹會員

團體網與供應商 五五分賬

團購網以超低價出售巨龍船票。

【本報訊】網上團購近年大行其道,餐飲優惠、興趣班、美容水療療程,甚至旅行團等也會出現在團購網站,優惠可低至三至五折,吸引不少市民付款參加。有團購公司負責人透露,團購被企業視為新穎的宣傳伎倆,大部份產品或服務提供者都願意提供折扣優惠,以收宣傳效用;一般而言,團購網會與服務或產品提供者五五分賬,越多人團購,雙方賺取的利潤越多。
在本港經營團購網站的負責人表示,市民團購好方便,只需要有信用卡戶口就可以,「團購種類包羅萬有,買個行李箱、買個旅行套票又得,你想買乜嘢都可以喺網上買到,香港人咁忙,上網購物已經成為習慣」。
該負責人指出,一般團購網會與多間產品或服務供應商合作,推出服務或產品之前,網站會先了解企業的服務和產品質素,才會簽訂合約,「好似餐飲優惠,睇吓間餐廳嘅食物質素係點、衞生環境等,最重要係餐廳可唔可以容納到團購嘅人,因為多數有優惠都會吸引大批人團購,如果團購咗嘅人食唔到,咁平都冇用啦,甚至會畀網民數臭間公司」。

相關新聞:乘客失預算 李華明中招

學者:市場未飽和

中文大學市場學系教授冼日明表示,團購網站可向消費者提供一站式服務,加上產品價格便宜,這樣的商業模式具發展潛力,「家喺香港做團購網有發展空間,相信個市場唔會咁快飽和」。但他提醒消費者,團購前要考慮清楚,也要認清產品或服務質素,「唔好因為見到平就衝動買咗無需要或劣質嘅產品」。
不過,今次巨龍船務團購出事,有業內人士分析,巨龍結業是預料之事,原因是先天不足,只有兩艘船行走港澳航線,令散客及旅行團打退堂鼓。巨龍船務另一致命傷是沒有賭場作支援,「好似金光飛航咁,都係得約10隻船,經營都好困難,但佢哋有賭場做後盾,可以載啲客嚟賭錢補番」。他續稱,巨龍今年7月改變策略,以優惠票價爭取團購客,希望吸引更多旅客乘搭,但平均入座率只得三成,走不出結業命運。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載