› 選擇地區
三藩市
紐約
洛杉磯
其他美國地區
香港 台灣 北美
 
2011年08月01日

棄高薪厚職
大學生為興趣做郵差

【本報訊】書信素有「尺素寸心」的雅稱,薄薄的信紙滿載寫信人的心意,亦令郵差的工作別具意義。大學畢業、入行半年的郵差葉成康表示:「我哋肩負嘅唔係郵袋嘅重量,而係一份責任感!」而即將退休的郵差林有甜則說:「郵差始終都要派信,只有難唔難度高。」
32歲的葉成康於香港城市大學統計學畢業,曾經任職會計及行政人員,但他始終念念不忘兒時寫信的經歷,他表示:「我中學階段想練英文書寫能力,結交咗幾個外國筆友,久而久之,每個星期都好希望見到郵差。」其後葉成康認識了派信的郵差,與他們聊天,開始對郵政感興趣。

村民不捨好郵差退休

一年前,葉成康毅然放棄高薪厚職,投考只需中四學歷的郵差。他不介意郵差的起薪點僅10,845元,每日要把來自世界各地的郵袋分類。他自言:「我哋肩負嘅唔係郵袋嘅重量,而係一份責任感!」
有人入行,有人退休,60歲的林有甜眨眼間做了郵差41年。林有甜一直負責元朗新田村的派信工作,即使背負十幾斤重的郵袋,仍能在錯綜複雜的街巷穿梭自如。他感嘆:「成個元朗區發展得好快,周圍起村屋,呢度起一間、嗰度起一間。」在郊區派信,林有甜認為特別辛苦:「市區派信一定舒服好多,唔使揹住袋嘢,一放喺管理處,呯呯嘭嘭就派晒,呢度拎住叠信,行幾條巷都未派晒。」他自言因此訓練出強勁腳骨力,身體亦因為日日運動而份外健康。
雖然在郊區工作很辛苦,但逐家逐戶派信可以結識居民。新田村居民文太表示:「我唔捨得啊!我想問政府可唔可以畀佢再做落去,佢真係好盡忠職守!」林有甜聞言聳一聳肩,笑得份外甜。
林有甜終於完成最後一天工作,同事紛紛與他握手慶賀。他笑言:「要玩吓先,休息吓先。」林有甜看着年輕時在郵政署工作的舊照,忍不住哼唱情歌《蔓莉》:「我們的過去,我們的情意,怎麼能忘記……」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載