› 選擇地區
三藩市
紐約
洛杉磯
其他美國地區
香港 台灣 北美
 
2011年07月21日

隔牆有耳:和聲書院sell環保設施 - 李八方

和聲書院正全速趕工,劉允怡話最怕延期落成影響明年開學。
孔慶初攝

和聲書院係中大最新書院之一,院長劉允怡話興建宿舍時加入好多環保新設施,例如在房間安裝智能電子讀數系統,學生一睇電錶,就知用咗幾多度電。

耗電超標用者自付

劉院長話巡過其他書院宿舍,見到學生有吸塵機、吸濕機、電暖爐,再加埋冷氣、電腦、風筒同雪櫃,耗電量驚人,為咗鼓勵學生節約用電,所以裝設電子讀數系統,宿費包用電上限,係正常宿生用量加三成,如果超標就按電錶收費,用者自付。
書院貼心又貼錢,每間房買有一部一級能源標籤細雪櫃,劉院長指大學生住宿舍,多數買「最平最食電」雪櫃,為慳電,書院寧願貼錢買部慳電雪櫃。嘩!住宿舍包埋雪櫃,書院使費咪好驚人!劉院長承認連同其他建築成本漲價,新書院建築成本大增,所以要努力搵贊助,否則填唔到數。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載