› 選擇地區
三藩市
紐約
洛杉磯
其他美國地區
香港 台灣 北美
 
2011年06月04日

隔牆有耳:中國防火牆之父 理大演講甩底 - 李八方

「中國防火牆之父」方濱興早前到武漢大學演講時,俾學生扔雞蛋同拖鞋。

被恥笑為「中國防火牆之父」嘅北京郵電大學校長方濱興,上月19號喺武漢大學演講時,俾學生扔雞蛋同拖鞋,呢位建立中國互聯網審查系統「GreatFireWall」嘅河蟹王,原定近日來港出席理工大學活動,點知臨時縮沙,唔敢翻進理大紅磚牆。

校方拒透露邊個邀請

有內地網民喺討論區爆料,指方濱興噚日到理大演講,似乎想搵人去「招呼」方濱興,看佢如何招架香港學生掟嘢功夫,但唔知乜嘢原因,方濱興冇現身,有人指時值六四敏感時刻,思疑方濱興託詞避風頭。
八方向理大查詢,是否包庇窩藏呢個網民公敵,發言人證實方濱興本來獲邀到訪,原定本周二(上月31日)到港,但臨時取消行程,至於邊個學系、教授發出邀請,理大話資料不詳,無可奉告。
理大學生會會長洪銘話,大學言論自由,唔反對方濱興到訪,又話理大同學好理性,方濱興唔使驚;前會長、現任學聯代表會主席黃佳鑫批評方濱興打壓言論自由,如果見到佢到理大,一定會好好「招呼」,但唔會掟蛋。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載