› 選擇地區
三藩市
紐約
洛杉磯
其他美國地區
香港 台灣 北美
 
2011年04月25日

塗鴉少女啟發
塗鴉男接力聲援艾未未

【本報訊】塗鴉少女之後,又有塗鴉男。上周六清晨在尖沙嘴九龍公園及文化中心一帶被發現的艾未未塗鴉,原來是一班不足20歲的塗鴉兵團之作。有份「出動」塗鴉的男成員接受訪問時坦言,是受塗鴉少女啟發而以塗鴉藝術聲援艾未未,不擔心因此被警方檢控,直指港人被捕後尚有保釋機會,身在內地的維權人士卻會消失得無影無蹤,「我哋覺得都應該要做啲嘢」。
記者:許偉賢

相關新聞:中聯辦示威 促釋異見人士

上周六凌晨2時許,A先生與其餘約七名最小16歲、最大不超過20歲的朋友齊集九龍公園入口,準備他們的塗鴉大行動。「我哋係好有計劃,一個人負責喺牆上噴畫,一個人負責拍攝同近距離傍實噴畫嘅人,另外幾個人就喺周圍負責『睇水』,以免被人發現。」

上周末尖沙嘴出動

A先生是當日塗鴉兵團的攝影師。他接受本報訪問時不諱言,雖然凌晨時分的尖沙嘴街頭行人寥寥可數,但也有驚險場面,「其間有個男人離遠好似發現我哋喺牆上噴嘢咁,我咪即時叫噴嘢嘅人攞返塊版落嚟,扮係睇緊iPad扮冇嘢,好彩塊版都係黑色」。
這個有一、兩名女性參與的塗鴉兵團,當晚由凌晨2時開始,由九龍公園走到文化中心,成功在沿路的牆身、支柱以及地面噴上了艾未未的肖像,至清晨6時才完成任務「收隊」。但睡了不足幾小時,又再參與當日下午舉行的聲援艾未未大遊行。
A先生透露,負責製作版畫的成員是受到塗鴉少女感染,前幾天用了約近三小時完成作品,然後包括他在內的一班友人覺得「應該要做啲嘢」,因此議決上周六凌晨出動。A先生直斥北京政府無理打壓艾未未,「你拉佢嗰陣,原來仲未有罪名,我覺得中央政府好奇怪,拉完人先作個罪名,個罪名仲好有創意,經濟犯罪喎,乜嘢嚟o架?都未聽過」。

「拉咗我咪保釋囉」

相對在內地被拘捕多時、至今仍下落不明的艾未未,A先生坦言「唔係好驚」,「喺香港,拉咗我咪搵人保釋我囉,意見表達自由先至係最重要」,並指他們一行幾人公然拉大隊在街上塗鴉,除了要聲援艾未未,也藉此重申香港有表達自由,「點解塗鴉都要拉人?周街都有塗鴉o架啦」。
若日後仍有需要,A先生稱會再次出動塗鴉表態,並寄望香港市民盡力為艾未未發聲,「如果全香港市民都有自己一套嘅做法去聲援艾未未,絕對係好事」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載