› 選擇地區
三藩市
紐約
洛杉磯
其他美國地區
香港 台灣 北美
 
2011年03月08日

隔牆有耳:財爺見泛民 避黃金時間 - 李八方

鬍鬚曾今日同泛民主派會面,為預算案聽意見。

被過萬市民高叫「下台」,財政司司長鬍鬚曾應該冇早前咁好瞓,但肯定佢今日要打醒十二分精神同泛民主派會面,聽聽點樣完善呢份全城喊打嘅預算案,以免自己好似老董咁提早腳痛落台。
其實鬍鬚曾早前親疏有別地率先見建制派已經唔啱,據聞呢次會面安排亦令唔少泛民中人不滿,事關泛民主派想喺晏晝3點零會面,相信咁嘅時間對傳媒以至佢哋都比較方便,點知鬍鬚曾話明除咗5點之外冇時間可以遷就到。為求盡快反映意見,泛民主派雖然唔係咁鍾意呢個時間都惟有硬食。

六點新聞或趕不及播

鬍鬚曾係咪忙成咁呢?泛民中人唔多覺,有人估計係「陰招」,事關佢見泛民至少一粒鐘。會面結束後出嚟見記者可能都過咗6點,但唔少電子傳媒6點鐘有新聞報道專輯,咁嘅安排下,呢個新聞黃金時間未必趕得切報道會面消息,泛民中人認為財爺有意淡化呢次會面喎。八方唔知鬍鬚曾咁嘅安排有乜居心,但好想知道佢會後係咪會一如接見建制派「朋友」咁,同泛民主派與會人士齊齊見記者呢?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載