› 選擇地區
三藩市
紐約
洛杉磯
其他美國地區
香港 台灣 北美
 
2011年03月03日

澳門議員警告:
派開就唔可以停

澳門政府年年有錢派,但前特首何厚鏵早已表明這只屬治標的止痛餅。

【本報訊】澳門政府早在三年前已直接向市民派錢,澳門立法會議員吳國昌以「過來人」身份提醒港府,「派開就唔可以停,你一停就會俾人嘈」。澳門經驗同時可見證,小市民有數千元落袋,但貧富懸殊、住屋問題沒半點改善,「只不過係喺官商勾結下,政府回番少少畀你」。

相關新聞:疑問不絕派錢欠細節 急推出為阻上街

「止痛餅」份量難減

香港政府加入派錢行列,吳國昌即時反應是「恭喜、恭喜」。他估計,從今以後,香港人也會像澳門一樣,年年都有要求政府派錢的呼聲。澳門政府09年起派錢,當年每人派5,000元,去年加碼至6,000元。澳門特首崔世安今年只派4,000元,另外注資6,000元到中央儲蓄金戶口,即時引起民憤。
「民情立即反彈,因為中央儲蓄金戶口唔係即時攞到。好多人即係問,點解派現金得四千呀?問點解派少咗呀?」崔世安惟有改口,稱4,000元只是上半年的現金分享,暗示下半年加碼。吳國昌表示,前特首何厚鏵首次派錢時已表明,這些錢只是「止痛餅」。吳續說:「如果香港政府都要咁樣派止痛餅,只係代表呢度同樣受小圈子選舉,官商勾結利益輸送影響,為咗安撫民怨,先至回番少少畀你。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載