› 選擇地區
三藩市
紐約
洛杉磯
其他美國地區
香港 台灣 北美
 
2011年03月03日

特稿:疑發爛渣大派特派
曾俊華嚇親建制派

曾俊華三日兩會建制派後提出「讓步」方案,「箍票」成功卻賠上管治威信。成啟聰攝

由企硬不肯退稅兼派錢,到昨天大開水喉大派特派,曾俊華的「急轉彎」舉動令建制派陣營也大為驚訝,懷疑當局「發晦氣」:「你哋話派錢吖嘛,我咪派畀你哋睇」;有政界中人指此舉無疑是為下屆香港政府留下難度,「到時個財政司司長唔派錢就俾人鬧o架喇喎!」
曾俊華「雙管齊下」為庫房洩洪,有建制派人士形容昨天得悉方案後也大吃一驚,指不少政黨沒有要求政府同時退稅或派錢,認為政府就算「二擇其一」已能令黨派收貨,「點知佢竟然兩樣都做,派咁多?但我哋都局住冇得話唔要」。

相關新聞:疑問不絕派錢欠細節 急推出為阻上街

政務官對派錢抗拒

工聯會黃國健昨天直認聽到政府對預算案大幅修改至「既派錢又退稅」,「令我既驚喜又驚嚇」,直指社會要思考日後政府凡有盈餘便派錢,對管治是否有利。
有泛民中人也指政務官一直對退稅減稅非常抗拒,更遑論向全港市民派錢,估計曾俊華最終違心而行大派特派,無非有點「發爛渣」,「民意叫派吖嘛,建制派又倒戈叫派吖,咪派晒啲盈餘出嚟,畀你哋睇吓係咪有用囉」。其實修訂方案未出爐前,官員曾向外放風表明「一係唔派,一係就全面咁派」,務求一舉消弭反對聲音。
本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載