› 選擇地區
三藩市
紐約
洛杉磯
其他美國地區
香港 台灣 北美
 
2011年01月06日

民運人士能否來港仍無消息

【本報訊】要求來港出席司徒華喪禮的民運人士王丹、吾爾開希仍未獲回覆,對於此事,昨日到立法會門外簽署華叔弔唁冊的特首曾蔭權、行會成員夏佳理都封口。早前指「悼念唔一定要嚟香港」的保安局局長李少光則說:「唔答啦,答咗又俾人鬧多次。」支聯會副主席李卓人表示:「如果佢(李少光)怕俾人鬧,就應該快啲批王丹同吾爾開希嚟香港,我都希望香港人能夠讚佢,希望佢知恥近乎勇!」

相關新聞:長毛留言:一笑泯恩仇

劉健儀:無理由拒絕

自由黨主席劉健儀昨日指,王丹等人若只是想來港向華叔致祭,她看不到港府有任何理由可以拒絕他們入境,「我唔理佢哋係乜嘢背景,佢聲稱都係嚟拜祭華叔,華叔一個咁受尊重嘅人離開咗,有尊敬佢嘅人想嚟拜祭吓佢,我睇唔到有乜理由特區政府唔畀佢入嚟,香港應該係出入境自由嘅地方」。
劉健儀又指,若當局拒絕二人來港致祭,「我諗好多市民都會問點解,政府要解釋得到至得」。她又認為港府毋須諮詢中聯辦意見,「一國兩制,出入境應該係我哋自己搞掂」。
梁美芬昨日亦稱,特區政府容許王丹等民運人士來港悼念華叔,「我覺得冇所謂」。前日才表明個人支持王丹、吾爾開希出席追悼會的葉劉淑儀,昨日拒絕再表明上述立場,只稱政府可考慮公眾利益、人道立場及申請理由是否忠誠,再視乎手上資料決定是否批准入境。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載