› 選擇地區
三藩市
紐約
洛杉磯
其他美國地區
香港 台灣 北美
 
2010年12月02日

航班兩度取消 索償有阻滯

有家庭乘坐法國航空航班往歐洲度假,回港時航班突被取消,法航安排另一條迂迴路線回港,惟事主幾經折騰趕往機場,航班又再取消,最後延誤10小時才抵港。事主不滿法航沒解釋兩度取消航班的原因,回港索償才得知原來受法國罷工事件影響,而索償時法航只賠償額外交通費,拒賠膳食費,她極感不滿。

相關新聞:延誤處理方法不盡相同

鄧小姐於9月12日與家人一行四人往意大利旅遊,購買了法航來回機票。9月23日回程,本於意大利佛羅倫斯起飛,先抵巴黎,再轉乘同日航班回港。「我預早一日喺22號上網辦好登機手續,點知當日夜晚收到封電郵,話航班取消,但冇交代原因。」

返港延誤近10小時

她即致電意大利的法航熱線,職員指9月23日已無航班由佛羅倫斯往巴黎,只能於羅馬或博洛尼亞出發。「冇得揀嘅情況下,我哋惟有選擇去羅馬搭機。本身有一班早啲嘅飛機,係朝早七點鐘由羅馬飛去巴黎,但咁夜先通知一定趕唔切,惟有改下午五點個班。」四人自費乘火車從佛羅倫斯往羅馬機場,望趕上班機盡快回港。
惟四人到達羅馬機場時,法航班機又再取消,「去到羅馬班機又取消咗,好無奈。法航再安排同時間出發嘅科威特航空去巴黎嘅機位畀我哋,總之好混亂」。最後鄧小姐一家抵港時間延誤了近10小時。
回港後鄧小姐向法航投訴,「返到香港,我先知因為法國罷工而搞到咁。我有保留單據,要求佢賠償火車費同途中嘅膳食費,總共312蚊歐元;但法航淨係肯賠232蚊歐元火車費,但據我所知,歐盟條例訂明,歐盟國家航班取消或者延誤,航空公司有責任賠償膳食費,甚至安排酒店住宿嘅費用」。

罷工影響不可索

法國航空回覆本報時表示航班延誤乃受法國罷工事件影響,並承認根據歐盟條例,客人有權得到膳食照顧、退款或賠償,惟若該公司已盡力安排一切合理措施,且取消航班若是由於無可控制的特殊環境,包括惡劣天氣、政治不穩定、罷工和保安等問題下受影響等因素,乘客便不可索償。法航又表示,鄧小姐最後願意接受由該公司發出證明書,向其保險公司申報餘下膳食賠償。
檔案編號:1104071

社會服務
◆報料熱線:29290000
◆社會服務熱線:29908288
◆蘋果日報慈善基金:29908688
◆電郵:sservice@appledaily.com
◆傳真:37112468
◆網上捐款: http://charity.appledaily.com.hk/donate ◆各類表格 http://charity.appledaily.com.hk/forms
匿名投訴恕不處理。一經投訴,本報保留刊登權利。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載