蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年10月29日

影響風氣
副主教轟:不尊重生命

【本報訊】「專業爹哋」購買三名兒子,製造單親家庭,連日來遭全港巿民炮轟,天主教香港教區副主教楊鳴章神父昨日接受傳媒訪問時批評李家的做法不擇手段,抹煞人的尊嚴,擔心影響社會風氣和孩子的價值觀,「總係覺得有錢就可以得o架喇」。

相關新聞:蒐證困難買卵之謎新爸爸未表態

誤以為有錢萬能

楊鳴章接受有線電視訪問時指,社會的基本原則是尊重人的尊嚴,人不應因自私的理由製造生命,「因為爸爸媽媽開心喎,咁就可以抹煞咗人嘅尊嚴咩,我自己覺得呢個唔係理由嚟嘅,有啲嘢我哋係得唔到,我哋自己要明白,我哋要睇吓點樣去面對呢個問題,而唔係話不擇手段,佢可唔可以走去循一個正常嘅途徑呢?」
他對孩子沒有媽媽感憤怒,「肯定啲BB將來長大係冇一個自己嘅媽媽睇住,佢欠缺一份母愛,母愛係好重要嘅」。他擔心孩子的價值觀會被歪曲,誤以為有錢萬能:「好似如果一個有錢嘅人有錢醉駕,佢就以為可以請個出名律師打甩佢。」
他相信社會風氣亦受影響,令更多人「有樣學樣」,「一個有名譽、有地位、有錢嘅人做呢啲事,令到其他人話『阿邊個邊個都係咁啦!』於是就好似變成大家都能夠接受嘅樣辦咁。」他希望社會可以正視問題,傳媒不要過份報道這類型的新聞。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載