› 選擇地區
三藩市
紐約
洛杉磯
其他美國地區
香港 台灣 北美
 
2010年10月13日

隔牆有耳:專業會議忽然團結 - 李八方

「專業會議」雖然名義上係一個所謂政團,但組織紀律顯然好鬆散,四位成員過往在唔少議案投票時都各有各投,並無硬性規定要立場一致,唯一一位直選議員就經常同另外三位功能組別議員唱反調,因此專業會議呢四票,向來似有還無。
今次堆填區風波,似乎有助團結呢個鬆散組織,何鍾泰噚日表明,已經要求其他三位議員歸隊,今次唔准自由投票,事關呢次唔單止涉及堆填區問題,政府更加要削弱立法會憲制地位,身為議會一分子,唔通唔同政府撐到底,甘於被人廢武功?據何鍾泰講,截至噚日為止,即使環境局局長邱騰華親自同佢哋食早餐拉票,但四位成員仍然一致支持廢令,佢唔希望亦唔相信當局會成功撬票。何鍾泰強調自己90年代已經去外地考察廢物處置設施,勁不滿政府無長遠政策,今次一於企硬反到底。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載