› 選擇地區
三藩市
紐約
洛杉磯
其他美國地區
香港 台灣 北美
 
2010年10月06日

由她變他
「政府唔好當我隱形」

「結婚係畀另一半一個保障,我簽個名咋喎,我唔係要你任何着數,(不准結婚)咁政府仲唔係帶頭歧視」。由外表到聲線均與粗豪男性沒有分別的變性人阿Joe(化名),早已和拍拖一年的女朋友拍了結婚照,但談到真正結婚,政府卻不肯成全。作為納稅人的阿Joe只希望政府給予他作為公民應有的權利,讓他以變性後的身份結婚。

相關新聞:蘋果資訊中國04年准變性人結婚

變性前 自殺兩次

現年30多歲的阿Joe03年完成變性手術,由女人變成男人。在變性前,早已作男性打扮,但因身份證上的性別是女性,為他帶來很多不便,例如出入境時,經常被關員問長問短,故此避免外遊,亦令他帶來困擾,「我畀張身份證人哋睇時,抗拒得越來越緊要,日日都揹住個唔屬於我嘅殼出去」。Joe試過兩次服藥自殺,最終保住性命。
政府為Joe進行變性手術,令他終得到解脫,「好多嘢方便咗,特登揸住張新證件去旅行,做晒以前唔鍾意做嘅嘢,影相啦,照鏡啦」。
一年前與現在的女友拍拖,令他的人生更美滿,「佢好願意完全接受我……佢好錫我,有乜嘢會幫我擔心埋」。Joe的女友陳小姐接受他的一切,包括不能有下一代。兩人已拍下結婚照,Joe打算兩年內結婚,「我預期會大擺筵席,講晒畀全世界聽,呢個係我老婆」。
排除萬難,但因為政府的歧視政策,Joe始終難以取得一紙婚書,「我都有份交稅o架,你收我錢嗰一刻,就當我係香港人,你要當我係人先得o架,你唔好當我隱形」。 本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載