› 選擇地區
三藩市
紐約
洛杉磯
其他美國地區
香港 台灣 北美
 
2010年10月06日

由他變她
「變性唔係行屍走肉」

感情穩定,工作又有不錯發展,Purple只是遺憾未能結婚。陸羽平攝

「有試過做番男仔,但真係唔得嘅,嗰個唔係自己嚟,好辛苦」。穿着背心連身裙、蓄長髮的Purple,訴說變性前的痛苦。但三年前完成變性手術後,整個人蛻變過來,生活充滿信心;遇上現在的男朋友,更令她覺得錦上添花。
從幼稚園開始,Purple發覺自己像一個女孩,愛洋娃娃,不愛足球,連親戚也買Barbie給她。當她二十多歲時,對性別的疑惑越來越大,「自己個身份未能調節,辛苦到唔想同人講嘢」。

相關新聞:蘋果資訊中國04年准變性人結婚

男友陪伴做手術

Purple曾跟兩名失婚漢拍拖,但沒嘗到戀愛的甜蜜,「佢哋冇當過我係女性」。直至六年前遇上男友Henry,感覺截然不同,但二人也經歷過波折。現年40多歲的Henry認識Purple時,她還未做變性手術,當他知道對方原來是男兒身時,即時晴天霹靂,Henry說:「我不嬲鍾意女仔,唔知點算好,有諗過分手」。他冷靜個多星期後,發覺還是喜歡她,「我自己年紀都唔細,佢做我另一半都唔錯」。他還陪伴Purple做手術,在背後默默支持。
現年30多歲的Purple從事藝術工作,感情和工作都發展不錯,只是始終未能結婚。對於政府說,讓變性人領新身份證,純粹方便他們生活,Purple聽罷氣上心頭,「我變性,係用一個適合我嘅性別去發揮自己,變性唔係行屍走肉,唔係喺世間走一趟就算,冇理由(結婚)權利被剝削。」她希望港府不要再故步自封,能夠與時並進。 本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載