蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年09月07日
馬上成為壹會員

申辦亞運 月底公開諮詢

臨時申辦亞運委會成員,包括壁球女將趙詠賢。

【本報訊】港府公佈成立2023年亞運會臨時申辦委員會,由民政事務局局長曾德成及港協暨奧委會會長霍震霆分任正、副主席,本月底展開公眾諮詢,再決定是否申辦亞運。立法會議員批評政府本末倒置,提了申辦意向後才進行諮詢,又指當局沒有長遠體育發展規劃,「呢啲燒煙花式嘅活動,幫唔到香港體育界」。

設臨時申辦委員會

臨時申辦委員會成員包括壁球港隊成員趙詠賢、醫管局主席胡定旭及體育總會代表。政府表示,委員會將就場地供應、住宿安排及潛在經濟承擔和效益等籌備工作,向政府提供意見,爭取社會支持申辦亞運。最終決定視乎公眾諮詢的結果,以及立法會財務委員會是否接納可能涉及的財務承擔。
立法會議員陳淑莊批評政府事前完全沒有諮詢巿民,「唔好以為搞完東亞運,就以為自己有能力搞亞運先得o架,根本蚊髀同牛髀,一個講緊40幾個國家,一個講緊10個都唔夠」。
她又指,現時本港硬件不足,「硬件點保養?點起?之後點?最重要係個選手村,佢哋有冇初步評估過財政狀況,家唔係細路仔,我去玩吓先,乜咁貴o架,我唔玩喇咁」。
她批評本港沒有長遠體育發展大綱,「好似精英運動員嘅培訓係點、出路係點、體育總會嘅管理等等唔係批咗錢畀佢就得」。她會要求立法會民政事務委員會跟進事件。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載