› 選擇地區
三藩市
紐約
洛杉磯
其他美國地區
香港 台灣 北美
 
2010年08月31日

隔牆有耳:翁以登入科大做副校長 - 李八方

商界出身嘅翁以登,主要工作係「加強各界對科大的支持和捐獻」。

大學管理層音樂椅遊戲轉不停,新學年八間大學多位副校長有新面孔,正在重組架構嘅科大噚日宣佈,前香港總商會行政總裁、現任利豐集團中國辦公室董事總經理翁以登,11月上任首席副校長(大學拓展)。
翁以登出身商界,忽然投身高教界,八方固然驚奇,據講唔少科大中人都感到意外。知情人士稱,校董會唔少人賞識翁生,因此佢入清水灣冇乜難度,而呢次任命十分低調,連人事部都係上星期尾先知。

主要職責係籌款

根據資料,負責「大學拓展」嘅首席副校長,主要工作係「加強各界對科大的支持和捐獻」,講得白啲,即係負責籌款;至於使唔使孭數,校方稱涉及合約條款,不便透露。部份外國大學嘅籌款大員薪酬同籌款額掛鈎,唔知翁以登份合約,係咪咁有挑戰性呢?
翁以登透過科大公關稱,在上海工作四年半,覺得係時候鳥倦知還,回港服務,又話未入商界前,其實同科大校長陳繁昌一樣都係一個數學家,同學術界有淵源。本地大學募捐係大勢所趨,學者籌錢未必在行,搵外援或成趨勢,城大都擬設同樣職位,加強開源能力。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載