› 選擇地區
三藩市
紐約
洛杉磯
其他美國地區
香港 台灣 北美
 
2010年07月02日

自爆做舞小姐後參與遊行
周澄:唔會刻意匿埋

【本報訊】7.1前夕,曾參與五區公投的周澄自揭曾在夜總會擔任舞小姐,被批評影響社運人士形象。昨日遊行路上,周澄未有退縮,沿途派發單張,接受傳媒訪問,不少巿民更向她表達支持,她表明不會因事件而刻意低調,「唔會刻意走到最前博人影,亦唔會刻意匿埋,自自然然,隨緣囉……我覺得自己無做錯,所以唔會特登收埋自己唔出嚟,有乜社運活動都會抽空參與。」

相關新聞:200警政府總部清場

媽媽知悉 晴天霹靂

周澄昨天在金鐘派發單張,有女士主動與她合照,亦有男士上前說,「好小事啫,啲雜誌攞嚟講之嘛。」她說:「有啲巿民好支持我咁做,覺得我公開呢件事好勇敢,其實我覺得好感動,我唔識佢哋,佢哋亦唔係我呢個年齡層,家反應係正面嘅,我唔會好避忌尷尬。」
「我做呢件事係覺得好內疚嘅,覺得係傷害咗人,傷害咗自己,我會更加清楚人可能會軟弱,有時會唔自覺咁做咗啲傷害人嘅事,係一種學習,學習點樣愛自己同埋愛人。」回顧這段經歷,周澄直言在五區公投時感到很大壓力,「因為始終係半個公眾人物,公眾人物一定有啲壓力o架啦。」她表示,大專2012組班時已向戰友交代,同學亦表達支持。
她說媽媽知悉事件後「有少少晴天霹靂」,「佢係有啲擔心,不過始終都過咗三年,我自己都gothrough咗,佢係有少少唔開心。」她不擔心事件會影響未來工作,「冇乜特別驚呀,相信唔會影響到,搵工係睇能力,唔係睇其他嘢嘅。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載