蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年07月02日
馬上成為壹會員

司徒華被擲陰司紙

有遊行人士自製標語力撐司徒華。

【本報訊】正抗癌的民主黨元老司徒華昨日坐輪椅出席遊行,其間一度遭市民狙擊,遊行出發前被擲「陰司紙」,華叔一度與不滿民主黨的市民舌戰。表明早有心理準備遭個別市民咒罵的華叔,坦言只會對挑釁一笑置之,「佢哋咁做,只會激勵我更加堅定,佢哋講嘅嘢都冇道理,我何必嬲呢?」華叔接受訪問時,有市民指控民主黨出賣港人,華叔即場反問該市民:「賣咗你?賣咗你幾多錢?你係豬係狗,畀人賣o架?」

相關新聞:200警政府總部清場

「激起更高昂嘅鬥志」

剛展開電療抗癌的華叔昨午在義工陪同下,在遊行前半小時坐輪椅抵達維園,並遊行至富豪酒店才乘車離開。華叔出發前,有市民高舉「民主黨出賣港人」標語抗議,華叔則在民陣帳篷下接受訪問。華叔指,質疑民主黨出賣民主的人,「政治智慧同政治道德都唔夠水平」,因為民調顯示逾六成市民支持該黨提出的改良方案,又指民主黨與中央「枱底交易」的指控無證據,「係屬於誹謗」。
有向民主黨抗議的市民對華叔高喊「祝你早日康復!」華叔即說:「多謝你嘅祝福。」怎料該市民說:「我唔係祝福你,我係期望你受歷史嘅教訓同審判。」華叔聞言後未有動氣,只說:「邊個會受歷史審判,大家放長時間睇。」華叔事後稱,不會因個別無理指控感到不快,「佢哋咁做,只會激起我哋更高昂嘅鬥志」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載