蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年07月02日

民主黨遭圍剿全程捱罵
何俊仁:廿年民主路一定行落去

【本報訊】今年7.1,支持政改改良方案的民主黨慘被圍剿,昔日的支持者,變成今日的狙擊手。一班「憤怒中年」與民主黨埋身肉搏,嘗試衝開人鏈直接對話;年輕人在外圍吹喇叭,怒吼「民主黨出賣香港!」癌症患者麥先生瞓街抗議時,眼泛淚光,「我就嚟冇命先俾民主黨出賣,好傷心」。民主黨核心成員罵不還口,黨主席何俊仁說:「堅持咗二十多年嘅民主路,我哋一定會行落去。」
記者:白琳 許偉賢 陳沛敏

相關新聞:200警政府總部清場

「歷史係最好嘅證明!」「歷史證明你投降呀!」「堅持到底!」「出賣香港!」民主黨昨日每叫一句口號,都被示威者高聲駁斥。多名狙擊者自稱曾是民主黨支持者,日後將以選票「復仇」。60後商人凌先生和文員林先生情緒激動,一度與民主黨義工口角。凌先生說:「我唔出嚟,就對唔住自己!你做錯嘢,就搵司徒華出嚟頂,出賣選民,比民建聯更無恥!」林先生說:「我想埋去直接對話,警察好似護曾蔭權咁護住民主黨。」80後「掟鞋男」Jeff即場灑溪錢,為民主「招魂」。

舉步維艱罵不還口

民主黨隊伍舉步維艱,花逾一小時才到達銅鑼灣,面對四方八面的指罵聲,該黨八名立法會議員一直不作回應,但全程大部份時間木無表情。該黨南區區議員柴文瀚一度不停按氣笛,與示威者鬥大聲。柴被多名黨友試圖勸止,其後從背包拿出另一支汽笛,繼續向示威者發炮,「我要幫個黨做啲聲勢」。
香港人網在灣仔設多個街站,播放民主黨副主席劉慧卿早前言論:「我哋天生一副硬骨頭,企硬2012雙普選。」快咇及星屑醫生等人與大批市民rap口號諷刺民主黨:「堅定可信民主黨,關鍵時候賣香港!爭取民主20年,一鋪變咗民建聯!」
劉慧卿指該黨預料遊行期間會受到市民狙擊,「我哋都知道有啲市民覺得乜嘢都唔得,淨係要普選;有啲市民好驚共產黨,以往我哋幫佢抗共,家我哋同佢哋傾,市民會好驚」,強調會繼續向市民解釋有關決定,並指社會上也有越來越多市民支持方案,但有關市民普遍「唔出聲」。

相關新聞:拆局人數減響警號泛民要團結

喉癌病人瞓街擋路

她認為決定不會兩全其美,毋須道歉,但不滿被指出賣民主,「如果乜(證據)都冇,最多話我同你唔同意見,何來出賣」。
遊行隊伍路經金鐘時,喉癌患者麥先生突然瞓街阻擋民主黨去路。他剛做手術切除部份癌細胞,正等待化療,語帶哽咽,「好攰,都要出嚟表達,唔介意畀人話我癌上腦。民主黨違反選舉承諾,背棄香港。好失望」。
遊行結束前,一名金毛青年在民主黨街站外把綠色黨T恤丟到地上,澆上酒精,多名警員即時上前包圍喝止。他轉而邀請市民踐踏T恤洩憤,又解釋酒精可替民主黨「消毒」。
資深傳媒人程翔指民主黨支持政改方案是原則與現實的撕裂,「我覺得民主黨可以再做好啲,希望佢哋好客觀咁諗,市民圍摷係一種鞭撻」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載