› 選擇地區
三藩市
紐約
洛杉磯
其他美國地區
香港 台灣 北美
 
2010年06月17日

大專生籲民主派緊守底線

大專生焚燒政改方案,要求政府撤回方案、普選聯緊守底線。
孔慶初攝

【本報訊】普選聯底線一退再退,公民社會忍無可忍。大專生及基督徒團體狠批普選聯任由中央詮釋普選定義,是把普選「大陸化」、功能組別合理化,要求政府撤回政改方案,同時呼籲民主派緊守底線。
大專2012約10名成員昨午由立法會遊行至政府總部,燒毀政改方案以示不滿。組織成員周澄批評,政府提出的是倒退方案,她說:「佢提出嘅區議會方案,只係維護現存功能組別嘅正當性,特首提名門檻仲提高咗,最大問題係扭曲咗普選嘅定義,一扭扭到去係間選,甚至間選都唔係,加好多關卡喺入面,對以後民主運動有更大影響。」

相關新聞:港大即晚訪問家庭觀眾

圍立法會逼政府撤方案

周澄指民主派底線不能退,一旦接納政府方案,日後取消功能組別更難,「希望民主黨唔好再出賣港人,盡快停止呢啲背後嘅談判,唔好一再退讓,巿民係完全無say」。她表明作為策略盟友,即使表決後亦不會攻擊民主黨;又呼籲巿民6.23包圍立法會,逼政府撤回方案。
由六個團體組成的基督徒關注政改聯席同樣認為,政府和普選聯提出的方案無法接受,指出方案的五宗罪,包括把功能組別合理化、沒有確立普選路線圖、容許一人多票繼續存在、沒有處理提名方式和選舉細則,及沒有處理分組點票問題。
聯席成員、回歸基督精神同盟代表林子健指,若接受方案,等同把容許普選定義「大陸化」,「好似大陸啲鄉呀、縣巿選舉咁囉,啲候選人都畀人欽點咗,咁點叫畀人選?」
他表明非常反對普選聯,「佢哋啲原則成日變o架喎,無啦啦又移動城堡,一個禮拜都變幾次,咁樣傾落去真係唔負責任,騎劫所有巿民,無資格代表我」。另一成員譚得志指昨日是端午節,「希望民主黨唔好『屈原』巿民又無『糉』」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載