蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年06月06日

星期天人物:星屑醫生男模上身
搞社運都要型爆

「我有老婆,唔驚俾人笑係基佬。」星屑笑言已婚身份令他扮靚更無顧慮。王子俊攝

每個星期天在《城市論壇》針鋒相對的維園阿伯與維園阿哥,政見南轅北轍,但至少有一個共通點,就是打扮都很隨意,牛記笠記就上場,惟獨「星屑醫生」歐陽英傑男模上身──紅黑花恤衫、短褲襯leggings。維園阿伯看見星屑一身潮服,都語帶不屑:「嗱,呢啲咪80後囉。」70後的星屑反而沾沾自喜,「哈哈,人哋話我着到唔似醫生,我就係想咁。」

訪問當日,星屑醫生腿上的全黑反光leggings,原來是老婆的,他據為己有。「家興咁襯,男人之家喺香港買leggings好奇怪。」上身配Givenchy黑色半透明恤衫,前襟布料較厚,「可以遮住兩『點』。」腳穿黑色Gladiator款凉鞋,淘寶網售百多元,是向還未到港的Givenchy新款「致敬」的產品,「運動型凉鞋、螢光色膠鞋太麻甩,我最憎。羅馬款真皮凉鞋,型好多。」

轟明光社亂噏女裝男穿

他穿這副武裝在診所看症,故意不穿白袍,被護士取笑。「我有心試吓病人反應,點知佢哋病到瘟瘟沌沌,見到我當冇嘢。」明光社最近指女裝男穿成風,反映青少年性別認同混亂,要輔導。也是基督徒的他不以為然,「又喺度亂噏廿四,唔識嘢!短褲加襪褲係以前男士服裝,路易十四都係咁着。」
中學時代穿校服,星屑被迫樸素,上大學男模基因即時發作。到醫院上課,同學都笑他恤衫顏色天天不同,黃、青、紅……別樹一格。「同學每日都着藍色恤衫……係唔同深淺嘅藍色。我忍唔到自己同人一樣。」醫院規定平日恤衫領帶,假日解放,他穿雞翼袖T恤,下班脫白袍,病人「O嘴」,「嘩!醫生,原來你咁型!」
畢業後在瑪麗醫院捱了三年非人生活,私人執業呼吸自由空氣,開始寫blog和參加社運,衣着越來越講究。與老婆拍拖行街,做形象指導,「我幫佢揀衫,好有滿足感。老婆話我自戀,我認o架。我要做都會型男(metrosexual),有內涵又有外表!」
每套衣服都因應場合悉心搭配,星屑出門前要花個多小時配襯,老婆坐在客廳呆等。他曾戴禮服帽返教會,教友眼望望。「入到去即刻坐低,好多人遮住,着乜衫就唔覺眼,戴帽就俾人發現。」Youarewhatyouwear,他穿VivienneWestwood的紅色T恤到《城市論壇》,圖案是一隻貓新娘,被魔鬼和天使拉扯,暗喻香港人處境;在維園宣佈成立「全民發聲」,上衣印有黑白棋盤,「香港人是非觀越來越模糊,我希望大家黑白分明。」
星屑夫婦兩口子住在逾700平方呎單位,兩間房,一間是睡房,另一是衣帽間。老婆有一個衣櫃,另一衣櫃和十多個抽屜全由星屑霸佔,「最慘係啲衫着唔爛,開始冇位擺。」客廳電視機下放滿日本男裝潮流雜誌,是他的配襯指南。獨愛D&G及Givenchy西裝,最貴逾萬元一套,「最近Givenchy啲款復古,好有Gladiator味道。」他到日本入貨買彩色leggings,又到highend潮服集中地代官山買了一套Frabois窄身西裝。記者問他價錢,他要想很久才記得約4,000元,「有時買衫唔睇價錢,最緊要啱自己,着得舒服。」

每周敷面出門塗粉底液

做都會型男,怎少得護膚?星屑用Armani全套男士護膚品。出門前塗SPF30的粉底液,每周磨砂和敷面膜一至兩次。最近老婆在莎莎買了一大盒「我的美麗日記」給他,「最鍾意『冰芯活氧』嗰款,敷完好relax。試過去做facial,但係時間太長,做到我暈暈哋。老婆唔會敷呢啲cheap嘢,佢用LaMer。」讀LaMer時強調鼻音,說完忍不住大笑。
星屑看不過眼的事情有很多,除了社會的不公義制度,還有「馬草泥」任亮憲去《城市論壇》時穿的牛仔褲,「唔鬆唔緊,唔佬唔仔。」但他幾like紅色Polo恤,「佢條頸長,着Poloshirt反而OK,好醒神。我條頸短,着咗睇落好蠢。」未見過他穿維園阿哥「制服」禮義廉Tee,嫌太cheap?「唔係,我都有,當睡衣着,哈哈。」記者 白琳

拒絕從政

本地政客,不是面目模糊就是肥頭耷耳,他們的打扮風格,肯定不代表80後的時尚觸覺。問星屑會否從政,他搖頭,「就算我去選醫學界,班醫生都唔會選我。好多醫生都好保守,仲係支持要有功能組別。」
「我比較想做公共知識分子,我同陶君行好friend,同陳淑莊唱K,見到梁家傑就打招呼,你話幾型?」
34歲的星屑是知名博客,幾年前已揚名網絡。他在男拔萃及港大醫學院畢業,正職私家醫生,副業AJ.hk網台台長、維園行動及全民發聲創辦人。白天在北角診所睇症和蒲facebook,晚上主持網台節目,周末與太太返教會搞青年外展活動,遊行示威論壇必到。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載