› 選擇地區
三藩市
紐約
洛杉磯
其他美國地區
香港 台灣 北美
 
2010年05月20日

隔牆有耳:五子宣誓 建制派死忍唔離場 - 李八方

平安重返議會,陳淑莊(左)與吳靄儀擁抱。
區民傑攝

公民黨同社民連五位議員重返議會,噚日再宣誓就職,唔少泛民主派議員都以擁抱同握手方式祝賀五子凱旋而歸,曾經離場導致流會、阻止五人讀辭職宣言嘅建制派,今次好克制唔敢玩鋪勁,冇再次集體離場。

王國興批曾鈺成縱容

社民連三子在誓詞加料有前科,長毛讀到效忠中華人民共和國時重複三次「中華人民」,擺明效忠人民而唔係中共,又高叫「廢除功能組別」同「2012雙普選」等口號;大嚿就諷刺在座建制派聽佢哋宣誓,難道係確認公投結果?激到民建聯幾位仁兄紮紮跳,陳克勤、劉江華、張學明同譚耀宗即時黑面離場,李卓人即時要求點算人數,最終由一直冇入過會議廳嘅李慧琼犧牲小我,化解流會風波。
以國語宣誓嘅毓民最聽話,叫幾句口號就收檔,唔少建制派話估唔到今次佢最乖。工聯會王國興批評社民連三子之餘仲直指主席曾鈺成「有法不依」,不滿主席縱容佢哋亂加料。謝偉俊就趁機同至愛報仇,喺五人宣誓時展示請願牌,轟佢哋浪費公帑。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載