› 選擇地區
三藩市
紐約
洛杉磯
其他美國地區
香港 台灣 北美
 
2010年05月20日

對泛民「破冰之旅」不存期望
陳日君:中央綁死 普選無出路

陳日君樞機因為失聲,昨日無法按原計劃教學生唱意大利歌,反由學生為他獻唱。 成啟聰攝

【本報訊】公投之後,何去何從?天主教香港教區榮休主教陳日君樞機認為,在中央的「緊箍咒」下,普選之路只有「死路一條」,他對中央與主流泛民主派的「破冰之旅」不存期望,「因為我哋期望嘅嘢,根本遠遠超過家可以見到嘅嘢。」他認同民主黨元老司徒華,認為泛民必須否決「爛方案」,否則將成「千古罪人」。
陳日君樞機昨日到彩虹邨天主教英文中學與中學生對談,連日來奔波香港、意大利兩地的他聲音嘶啞,不少學生問到公投後的香港局勢,他直言公投結果「麻麻哋」,「不過都唔算少(選票),唔錯嘅成果,喺中央打壓下,算係好唔錯。」他希望公投過後,泛民主派可以更團結爭取普選,不要向爛方案讓步,又提醒學生要登記做選民。
對於政府帶頭不投票的做法,陳日君表明「好難同意」,「因為呢次係補選,係喺冇公投制度下嘅一個表態;既然合法,政府不能阻止,亦都應該出嚟投票,你畀佢進行,又否認佢合法,係唔合理。」

相關新聞:網友激讚:教師典範

指立會應否決爛方案

他其後接受記者訪問稱,對中聯辦與普選聯的「破冰之旅」不存期望,「你信佢呀?我希望我錯,但我真係冇乜信心。」他又說:「到家我覺得佢哋仲談判好偉大囉,即係我覺得好難樂觀囉,因為我哋期望嘅嘢,根本遠遠超過家可以見到嘅嘢。」
他慨嘆現時爭普選已走入「死局」,「佢(中央)2004年唔單止釋法,仲做咗個決定,將我哋綁死o架喇,如果佢唔推翻嗰啲決定呢,冇出路呀,佢從來都冇話佢啲決定可以改o架喎,家死路一條。」
問到立法會是否應該否決「爛方案」,「梗係啦,否決佢,就等全世界知道呢度就係冇民主囉,否決佢囉點啫,咪睇2017點囉,係佢自己話今次否決咗都唔等於下一次唔可以得到普選吖嘛,咪等下一次囉。」他認同司徒華的說法,若民主派中人接受這個方案,將成民主千古罪人。
陳日君不擔心政府把政改無寸進的責任再次推到泛民身上,「睇吓班民主派有冇頭腦、有冇勇氣啫,(這個方案)係完全冇嘢畀我哋嗰陣時,唔通我哋就投降咩。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載