蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年03月10日

亞視股東風波
查懋聲認曾簽保密協議擬收購《星島》


【本報訊】聲稱希望「以和為貴」的亞洲電視大股東查懋聲,昨繼續在北京發炮還擊蔡衍明,除繼續呼籲對方「息事寧人」,更希望對方不要阻礙王征入主亞視。至於「路見不平」的星島集團主席何柱國,他則回敬謂「何生係有智慧嘅商人,我幾尊敬佢。佢唔會亂咁講嘢,佢出師一定有名,佢講我嘅嘢,我好難辯駁」。
查懋聲形容,與蔡衍明的爭拗「好似兩公婆湊仔咁,一個話要嚴肅,一個係咁畀糖佢食,唔關心嗰樣嘢(亞視)就冇嘢好爭拗」。對於兩人的分歧日深,他則表示,「唔係一件事,係好多件事加埋」。查氏更指對方小事化大,「我覺得我哋係茶杯裏的風波,為咗咁細嘅嘢搞到咁大壇嘢」。對於查氏的反擊,昨日趕着離港的蔡衍明並無太大反應,只指查懋聲是「將杯裏的水溢出來」弄出風波。
查氏又再次借記者會多謝新股東王征,感激他在這個混亂的時候仍願意「照顧亞視呢個孤兒仔」。而王征昨日則透露已購入亞視的可換股債券,但拒絕披露數量及作價。對於查蔡兩人連日拳來腳往,他表示「兩位前輩都教給我很多東西,包括做生意的技巧,在談判當中,我跟查先生學到了很多東西」。

不明白為何觸怒何柱國

查懋聲又表示,已翻查紀錄,他跟何柱國沒有直接做過生意。「唯一同佢比較有關連,係我曾經有意買《星島》,簽咗份保密協議,去睇一睇個賬(目),之後就冇進行,冇同何生有乜直接交流」。他指,這是做投資的常規做法,不明白為何會觸怒對方,「我間接聽過佢覺得我出賣咗佢,但我冇直接同佢傾過偈,唔知點解佢咁勞氣」。
不過,星島集團主席何柱國於旗下雜誌透露,當年胡仙無力償還其爺爺何英傑2.94億元欠債,被迫出售星島集團,他獲爺爺授權處理,而查懋聲「至少打了三個電話給他」,先是表示有興趣入股,繼而着他放心並訂定簽約日期,最後是簽約當日下午4時半約他到港麗酒店見面,而見面之時查懋聲「搬出多個理由解釋不能入股《星島》的原因」,結果交易在最後關頭告吹「累我俾阿爺鬧」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載