› 選擇地區
三藩市
紐約
洛杉磯
其他美國地區
香港 台灣 北美
 
2009年12月02日

劫後餘悸
抗賊婆婆:佢想謀財害命

「佢今次真係想謀財害命!」昨日遭印尼家傭行劫的鄧婆婆,財物、性命得保,但她最惱怒是待如親女的印尼女傭竟然反骨,夜半趁她熟睡向她行劫,她憶述遇劫經過時,下顎因缺了兩隻門牙有點「漏風」,但仍中氣十足,說至激動處更用手揑住自己頸項、重演遭叉頸恐怖經歷,十分肉緊。
昨午3時,遭折騰了13小時的鄧婆婆,一臉疲憊由親友及警員陪同返回寓所。她說被捕女傭入職兩年多,平日都十分懶散,「做嘢要叫先郁,仲成日攬住屋企隻狗仔玩」,但想不到她竟涉嫌做賊。

相關新聞:蒙面潛入房 打甩兩門牙印傭毆劫女主人

街坊:人不可以貌相

她說事發時感到「有人跪住我對腳,我喺度撐、喺度嗌,佢就用手揞住我個口,之後我繼續嗌,佢就拎我條枕頭巾塞住我個嘴,搞到我啲牙甩咗。」她說當時女賊拿着刀,想不到她會這麼兇狠。鄧婆婆續稱,當時曾想搶女賊手中的刀,混亂中更扯脫女賊面上絲巾,喝問她是否阿Nur,就憑女賊以不純正廣東話否認時認出身份,「我認得佢把聲啦」,可是女賊仍不罷休,企圖用金鏈蹺着其頸對她不利。生死一剎間,鄧婆婆「夾硬扯開條鏈,然後就一腳撐咗佢(女賊)落地」
這宗女傭劫主人案件昨在曉麗苑引起議論,一名與鄧婆婆相熟的女街坊直言人不可以貌相,「平時見個印傭唔聲唔聲,估唔到佢會咁做!」但慶幸鄧婆婆僅受輕傷,女賊亦落網被捕。
本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載