› 選擇地區
三藩市
紐約
洛杉磯
其他美國地區
香港 台灣 北美
 
2009年09月01日

隔牆有耳:李慧琼拆彈變自爆 - 李八方

民建聯議會新人王李慧琼Starry出道以嚟四平八穩,最近卻惹上是非。有讀者向八方投訴,指Starry去年初代表民建聯九龍城區議會議員去信區會小組及立法會,要求將沙中線土瓜灣站,由原來喺土瓜灣道近九龍城碼頭同翔龍灣,搬去宋皇臺道交界,此舉有利益衝突之嫌。事關Starry喺宋皇臺道傲雲峰有物業,但佢冇喺區議會開會討論時申報,而傲雲峰呎價由當時四千幾升到六千幾,疑似以權謀私。

買落傲雲峰翔龍灣

Starry聽到指控大聲呼寃,話自己做齊立法會、區議會及城規會所有申報工作,但區會根本冇規範每次去信或者每次傾議題都要申報。而且,以權謀私嘅指控更加唔成立,因為佢喺傲雲峰同翔龍灣都有物業,換言之轉唔轉站頭都受影響。佢本身家住黃埔,但作為九龍西議員,唔通連關係到黃埔居民利益嘅嘢都唔可以爭取?
民建聯黨團召集人葉國謙亦指,民建聯要求搬站嘅建議係按市民意願提出,並由Starry代表黨發言,同佢個人利益完全無關。呢單嘢雖然拆得掂,不過就洩露咗原來李慧琼係個小富婆,有咁多叠樓揸手。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載