› 選擇地區
三藩市
紐約
洛杉磯
其他美國地區
香港 台灣 北美
 
2009年08月01日

隔牆有耳:契媽幫o靚模平反 - 李八方

李麗娟(中)噚日同兩個契女去動漫展。
凌樹輝攝

動漫展係毒男、o靚模集中地,八方噚日去到卻見到個意想不到會見到嘅人,就係前高官「契媽」李麗娟,唔通佢都係o靚模fans?定係第一時間入場掃動漫精品、首辦呢?
契媽話係應邀到場參觀,佢話自細鍾意睇公仔書,《老夫子》、《財叔》係至愛,近年就睇《變形金剛》,因為要陪子姪睇,否則冇共同話題。

撐漫畫益智健康

好多家長反對仔女睇漫畫,認為沉迷公仔書荒廢學業,契媽話凡事適可而止就冇問題,況且好多漫畫內容益智健康,充滿教育意義,冇不良意識,因此睇漫畫點都好過去吸毒索K,目睹家陣咁多後生仔女沉淪毒海,佢話真係心痛死,好彩有正生幫忙拯救。
o靚模橫行動漫展,契媽噚日都拖咗兩位少女亮相,唔係o靚模,係佢契女,其中蘇婉珊係當年八仙嶺大火傷者之一,事隔多年已喺澳洲讀完大學返港,家做契媽助手。女仔出路多,唔讀書可以做o靚模,契媽話覺得叫呢啲後生女做o靚模唔係幾好,因為佢哋好多都係有實力、好努力咁做模特兒工作,叫佢哋o靚模似乎略為不夠尊重。
雖然契媽幫o靚模平反,不過佢都覺得呢班青春少女模特兒始終喺動漫展出場較為適合,早前喺書展現身,就有點唔啱場合氣氛。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載