› 選擇地區
三藩市
紐約
洛杉磯
其他美國地區
香港 台灣 北美
 
2009年07月30日

隔牆有耳:超微型黃格吸煙區 - 李八方

黃線內就係政府總部指定吸煙區。

立法會通過禁煙法例,令香港變成無煙之城,不過有議員可能知法犯法。立法會秘書處接到投訴,指有議員同議員助理違法喺中區政府總部西座議員辦公室吸煙,秘書處算厚道,並冇公開違法者是誰,不過邊個議員或議員助理係煙民,唔使指名道姓,大家都應該心中有數。
雖然接到投訴,不過相關部門冇鐵腕執法即時檢控,亦冇透露有冇派員巡查。

向議員先禮後兵

秘書處先禮後兵,噚日向全體議員發出通告,提醒大家政府總部辦公室、梯間、電梯大堂、各入口接待處、職員餐廳,連埋戶外停車場、天台等統統係禁煙區,煙癮起要頂癮,請移玉步至指定戶外吸煙區。
秘書處對煙民十分體貼,通告附有相片及地圖顯示吸煙區位置,總之大家要吸煙,請自動自覺到黃線區內,如有問題可以聯絡中區政府合署無煙政策統籌員,八方都係首次聽聞政府內設有呢個職位,特區政府創造就業果然不遺餘力。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載