› 選擇地區
三藩市
紐約
洛杉磯
其他美國地區
香港 台灣 北美
 
2009年05月17日

隔牆有耳:議員大鄉里出城 - 李八方

議員參觀深圳物流中心,擔心香港競爭力不足。
香港電台圖片

慘遭隔離七日嘅維景旅客,獲釋後終於感覺到自由嘅可貴,參加「雙規」廣東考察團嘅泛民議員,噚晚終於可以呼吸自由空氣,同內地官員食完晚飯夜遊珠江後有機會自由行,喺廣州行街。

活化舊區值得參考

幾個無證議員久未踏足內地,人生路不熟,由有回鄉證、以前不時返內地公幹嘅甘乃威帶隊,晚上去到廣州最熱鬧嘅上下九路步行街,該處旺盛程度媲美香港旺角,繁華氣氛十足彌敦道,幾個議員好似大鄉里出城,對五光十色店舖嘆為觀止。
甘乃威話去上下九路唔止行街咁簡單,同時會睇吓廣州保育成績,因為當地政府花好多工夫保留有近百年歷史,共200幾幢騎樓式建築物,算係活化古蹟嘅成功例子,香港要活化舊區,值得參考吓。考察團噚日先到深圳機場視察貨運設施,議員見識到深圳喺物流業方面嚴重威脅香港都嚇一驚。
議員亦去考察深圳堆填區,余若薇讚內地垃圾源頭分類工作做得幾好,堆填區臭味亦似乎冇香港咁犀利,香港應該改善吓。考察團今日會同廣東省官員會面,聽日去珠海視察後返港。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載