› 選擇地區
三藩市
紐約
洛杉磯
其他美國地區
香港 台灣 北美
 
2009年05月17日

「好難想像有一個人,話可以代表全部港人」
特首六四言論風波 范太暗批曾蔭權扮代表

范徐麗泰指六四是悲劇,相信國家會在適當時候重提六四。

【本報訊】特首曾蔭權以「代表全香港人」姿態,以「國家發展有驕人成就」回應六四事件,繼續遭受輿論狂轟。全國人大常委范徐麗泰昨日指出,六四事件是一次悲劇,希望大家都得到教訓,但未評論平反問題;她又指好難想像有人可以代表全香港人的想法,暗批曾蔭權「扮代表」。 記者:蔡元貴、林俊謙

相關新聞:特稿「六四是悲劇」──政客老調

全國人大常委范徐麗泰昨日出席公開場合時,被記者問到對曾蔭權日前的六四言論有何看法,她說:「曾蔭權喺立法會講嘅嘢,佢要自己負責,佢亦已經解釋咗。」又補充稱:「香港存在各種各樣嘅人,我好難想像有一個人,話可以代表全部香港人嘅諗法。所以我從來唔會話我係代表晒香港人,我認為呢個係冇乜可能嘅。」
問及她個人對六四事件的意見,她說:「事件係一次悲劇,希望大家都得到教訓。」至於六四何時平反,她未有正面回應:「幾時係一個合適時間再重提六四,呢個係國家需要作出嘅考慮,我有信心,國家會做一個應該要做嘅立場。」她認為,中央政府目前已對六四事件有一個想法,「但對啲無法忘記六四嘅人,未必能夠接受到。」

華叔:不只悲劇還有責任

范太又表示,相信市民對六四事件有不同看法,「例如有啲人會去六四燭光集會,有啲人會覺得已成過去、要向前望,亦有啲人會冇印象,因為生活壓力更加緊要、搵食辛苦;最重要係,香港係言論自由嘅地方,大家可以表達自己意見。」
支聯會主席司徒華說,范太形容六四是悲劇,只道出一部份問題:「梗係悲劇喇,唔通係喜劇咩?但係佢冇提到追究責任嘅問題。」他又批評范太混淆了國家與政府概念:「應該係政府需要考慮(平反六四),唔係國家!」
華叔認為,范太發表的只是個人見解,不代表中央政府的立場,「我相信唔會係中央授意佢講呢啲嘢,領導層今年亦都唔會重提六四,呢個唔係一、兩個人可以決定嘅事,范太亦當然冇權力改變中央原來嘅態度。」
八九民運期間以《文匯報》記者身份駐京採訪的程翔表示,不欲回應范太言論。但他補充,暫時看不到北京現階段會平反六四:「呢件事唔會發生喺呢一代嘅領導層身上,因為佢哋都係六四事件嘅直接或間接得益者,直接得益嘅係江澤民同李鵬,間接嘅係胡溫。」

葉劉:你憑乜代表香港?

行政會議成員張炳良說,六四是民族創傷,是香港人的集體回憶,港人難以忘記,認為中央政府應勇於正視歷史和反思,越快平反越好。他表示明白曾蔭權難以講出自己看法,相信曾蔭權不是要代表所有人,認為特首個人亦難以總結社會上不同意見。
立法會議員葉劉淑儀昨日出席港台節目時,批評曾蔭權日前「代表港人」的說法,「係一開口已經有問題」,認為特首的代表性一直存在爭議,「特別係我哋呢啲選過(立法會)嘅,會覺得你憑乜代表香港?」但她認為港人要求中央平反六四的訴求,指港人不應「撩起」六四事件,認為一國兩制下應「河水不犯井水」,「香港係咪要走去撩佢(中央)、畀咁多壓力佢(中央)?人哋會點睇?」

你想知 想講 想問?

你對范徐麗泰就特首曾蔭權扮代表評六四的回應有何看法?

請即上《蘋果》網頁 http://appledaily.atnext.com 留言喇!
或電郵至:mailto:focusgroup@appledaily.com
傳真:37112411 手機短訊:63836568

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載