蘋果日報 | APPLE DAILY
› 選擇地區
三藩市
紐約
洛杉磯
其他美國地區
2009年03月04日

契爺心痛
譚詠麟:要佢跪喺度認錯

譚詠麟(左)對於契仔關楚耀涉嫌藏毒一事,感到非常心痛。資料圖片

演藝人協會會長、關楚耀的「契爺」譚詠麟昨表示,對關楚耀的行為感心痛和失望,就算兩人關係親密,也不會姑息對方:「如果佢有錯,唔只打要認,要跪喺度認錯,要屹起屁股俾人打。」

相關新聞:老闆處分黎明:唔容許呢件事發生

眼泛淚光「好失望」

譚詠麟昨日出席港台一個頒獎活動後召開臨時記者會,他全程收起笑容,一臉嚴肅。他表示,暫未聯絡上關楚耀及其家人,「件事確實係發生咗,呢件事影響好多人對藝人嘅睇法,自己用嚴肅態度探討呢件事。」他紅着眼說,現時很擔心契仔情況,譚詠麟眼泛淚光說:「如果(事件)係真……好失望,心痛……非常心痛。」
關楚耀的伯父泰迪羅賓(原名關維鵬)表示,由於未知事件詳情暫不評論,但他對姪兒感到憂慮:「有時年輕人做嘅事,我哋都唔係咁理解。」
現年25歲的關楚耀生於加拿大,其父關維麟是譚詠麟的前御用唱片監製。關楚耀自小便與譚詠麟上契,06年挾「譚詠麟契仔」之名出道,同年奪得多個樂壇新人獎。
本報記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載