› 選擇地區
三藩市
紐約
洛杉磯
其他美國地區
香港 台灣 北美
 
2008年12月24日

隔牆有耳:兩左報換新領導人 - 李八方

新鮮出爐嘅《文匯報》新社長王樹成(右)噚日公開亮相,頒獎畀賭王。林俊謙攝

魔童同青樓名妓口不擇言,話唔想亞視做「中央十台」,又寸兩份左報《大公報》同《文匯報》冇公信力,言猶在耳,兩份左報近日同時換社長,兩報新領導人都曾經喺官方新華社任高職,兩報中人都認為情況比較罕見。

一個健談一個低調

《大公報》日前發出通告,宣佈由常務副社長姜在忠接替王國華做社長,王國華早前獲委任做國務院參事。姜在忠為人非常低調,曾任新華社內蒙古分社社長,落嚟香港半年左右,咁快就坐正,《大公》內部都頗為意外。至於《文匯報》,則由常務副社長王樹成坐正,頂替張國良社長職務。
身為全國政協嘅張國良為人健談,交際手腕圓滑;王樹成相對之下比較低調,佢曾任新華社安徽分社同北京分社社長,又做過新華社轄下《經濟參考報》總編輯。王樹成噚日出席《文匯報》活動時唔多願同行家打交道,一味與同聲同氣嘅中聯辦秘書長趙廣廷密斟。張國良噚日都有現身,逗留一陣就快閃,因為要趕去中聯辦開會。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載