› 選擇地區
三藩市
紐約
洛杉磯
其他美國地區
香港 台灣 北美
 
2008年12月24日

逆市求存 為客人也為自己送上歡樂
到會聖誕老人3小時跑百場

平安夜,聖誕老人朱榮德忙個不停,要穿梭港九新界一口氣派出百多份禮物。謝榮耀攝

【本報訊】平安夜,聖誕老人阿Drew(朱榮德)以極速穿上厚羽絨和聖誕服,為客人送上「呵呵呵」招牌笑聲、派發指定禮物後,會即時飛奔入車廂,以極速由荃灣衝出尖沙嘴,再由尖沙嘴踩入北角,為另一批客人送上歡樂。若這位「到會SantaClaus」遲大到也請勿見怪,因為這兩天內,他和同事要應付近200個「柯打」。記者:雷子樂

相關新聞:自助餐爆滿 商場人流增15%

這個聖誕老人阿Drew只得26歲,他今年想到提供「到會」服務,收費百多元,為客人在指定時間、地點送禮物。金融海嘯下,算是開拓了一門不俗的生意。不過,生意滔滔並不等於有錢賺。「好失敗,原來安排人手係好難嘅事,我得10個同事,但喺最忙嗰陣要喺三個鐘內派100單嘢,識分身都唔掂!」
聖誕老人原來最怕塞車。「香港地成日塞車,啲客開party又成日遲,我準時到,人哋又未開始,有啲客又頻頻改時間,結果下一單都係遲。」這幾天,阿Drew試過花數分鐘由荃灣衝至尖沙嘴,由尖沙嘴到北角也只不過花了10分鐘。平安夜、聖誕節,他接到近200單「柯打」,日日朝9晚12,派禮物也「派到手軟」,並要派到下周日。

答問題忙過派禮物

阿Drew說,他做生意之餘,更希望在逆境中給香港人帶來歡樂。小朋友見到他自然滿心歡喜,問他的鬍子是真鬚還是黏膠水、問他為何揸私家車不坐鹿車……答問題忙過派禮物。他曾為客人走進學校給一名女老師送花,拿着鮮花踏進校門,全校即時起哄。
但有些香港人偏偏缺乏幽默感,阿Drew前天接到一單「柯打」,妻子希望聖誕老人送禮物給丈夫。聖誕老人到了,丈夫怎也不肯出門「收件」,「我唔講得自己係聖誕老人,又唔可以講邊個送嘢畀佢,呢個男人就好緊張,話容乜易我送個炸彈畀佢,點都唔肯出嚟。」最後經妻子游說,他才肯開門,門一開,丈夫頓時一臉錯愕。
這個聖誕老人,小學三年級已做生意,自製飾物賣給同學;IVE畢業後做過保險、裝修、娛樂記者等,又試過北上搞成衣生意、賣汽車零件。阿Drew自言「冇份工做得長」,今年碰上金融風暴,外幣滙價波動令其汽車零件生意受創,但他並沒氣餒,「咁差嘅環境我都做到唔錯嘅成績,第日經濟好番,一定好掂!」聖誕老人也有個願望:「希望下年聖誕,呢門生意可以搞好啲!」其實不用等到聖誕,幾星期後就是農曆新年,計仔多多的他已想到變身「到會財神」,給人送上好運。

相關新聞:氣溫稍升 料周末周日有雨

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載