› 選擇地區
三藩市
紐約
洛杉磯
其他美國地區
香港 台灣 北美
 
2008年10月21日

隔牆有耳︰一哥踢波皇氣護身 - 李八方

曾經係流浪、愉園同石硤尾班主嘅唐唐家臣林大輝,𠵱家致力推動沙田地區足球隊。身形大大隻嘅林大輝一向都係足球發燒友,仲同朋友合組足球隊,四出鬥波,連一哥特警成都係佢嘅波友,下個星期又會嚟一場友誼賽。
林大輝猛讚一哥球技好,高大唔在話下,次次佢帶親波,四周圍就冇人敢埋身攔截,可能畀佢嘅皇氣鎮懾住都未定。至於佢自己嘅球技,佢就好謙咁話不過係做個中場搓吓波當交功課嗰隻,立法會內大嚿陳偉業先至係好波之人。如果日後立法會唔介意搵佢呢種波友,佢當然唔介意加入啦。盛傳係唔少黨派或聯盟拉攏對象嘅林大輝更要求八方傳話,講明自己都係鍾意獨立身份,要做個自由嘅議員喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載