› 選擇地區
三藩市
紐約
洛杉磯
其他美國地區
香港 台灣 北美
 
2008年10月21日

隔牆有耳︰中大校友撐余若薇 - 李八方

余大狀做唔成中大校董,好多人話可惜。
黃賢創攝

立法會三位中大校董會成員已經出爐,前任民主派代表、民主黨張文光終於退落嚟,畀社民連主席黃毓民接棒,但原來唔少中大校友最想余若薇頂咗張文個位。有中大校友會成員話,早前已經向立法會議員發信,表明支持余大狀做校董,話早前立法會審議《香港中文大學(宣佈敬文書院、伍宜孫書院及和聲書院為成員書院)條例草案》時,余大狀瞓身幫手,唔單止接見佢哋,更加喺立法會發言,真係好幫到手。

發電郵支持做校董

既然元老級人馬張文光唔做,佢哋梗係想余大狀再積極跟進中大問題。余大狀都證實收過不只一個中大團體支持佢做中大校董嘅電郵,唔少校友仲喺facebook撐佢。校友咁有心,余大狀都準備好接棒,尤其張文光都同佢傾過電話,轉達校友嘅要求,自己又點會諗住推辭?
點知最終毓民都有意去馬,而泛民又只得一個位,余大狀只好同毓民以抽籤定勝負。最終卿姐一抽抽到毓民,余大狀都冇辦法,只有向支持佢嘅中大校友表示多謝,承諾會喺立法會繼續幫佢哋出頭。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載