› 選擇地區
三藩市
紐約
洛杉磯
其他美國地區
香港 台灣 北美
 
2008年10月01日

蘋果批--救市方案被否決:政治再失敗 - 楊卓華

《蘋果批Online》逢星期一、三、五晚上九時開騷Click入http://pie.appledaily.com收看歡迎透過web-cam即時發表意見或致電29908648安排親身上場
電郵:mailto:pie@appledaily.com
網誌:http://pieatapple.wordpress.com

金融海嘯係政客喺「政治失敗」之後轉而歸咎「市場失敗」嘅典型例子,而今次救市方案亦喺民主黨議長一番「政治語言」之後被否決,政治又再一次失敗……撰文:楊卓華

1

要用7,000億美元公帑買咁多問題資產,美國選民本來已經好唔情願,之前部份民調顯示,只有兩三成受訪者贊成用咁大筆公帑救市。本來已冇乜民意支持,民主黨眾議院議長佩洛西,喺投票前仲講咗一番「政治語言」,歸咎共和黨之餘,仲將整件事標籤成係「自由市場失敗」,結果令到整個投票形勢逆轉……

"Theyclaimtobefreemarketadvocates,whenit'sreallyananythinggoesmentality.Noregulation,nosupervision,nodiscipline...,asencouraged,supported,bytheRepublicans."──佩洛西

2

惹起議員不滿係因為佩洛西嘅「政治語言」,唔單止諉過於人,同時完全冇提到民主黨喺今次金融海嘯嘅「重要角色」。海嘯嘅兩個主要元凶─「兩房」(房利美和房貸美)及社區再投資法(CommunityReinvestmentAct,CRA),其實都同民主黨有密切關係。

有關CRA規定按揭機構要借錢畀低收入人士(弱勢社群)買樓嘅惡果,之前《蘋果批》已講咗好多。而「兩房」則為咗配合民主黨為「弱勢社群」提供「可負擔物業」(affordablehousing)嘅承諾,以「政府支持」(Governmentsponsored)作後盾,多年來不斷收購、擔保包括次按在內嘅按揭資產,可以講係觸發金融海嘯嘅導火線。

3

「兩房」明明由「政府支持」,點解都咁失控?其實,03年布殊及05年麥凱恩等,都曾建議過要整治「兩房」,但就被民主黨指係「誇大問題」。民主黨同「兩房」特別friendly,可以喺「兩房」政治捐款嘅分佈睇得出:收捐款最多嘅頭三位政客,全部係民主黨人,當中包括「後起之秀」奧巴馬。

4

既然救市方案本身就冇乜民意支持,加上佩洛西乘機過共和黨同自由市場一戙嘅「政治語言」,完全唔提民主黨始作俑嘅背景,部份議員自然轉軚投反對票,令救市方案「政治失敗」,正如雷鼎鳴教授同《蘋果批》所講:

「今次呢個金融風暴嘅問題,其實係一個典型例子,顯示出唔係市場失靈,而係政府失靈。」

明天預告:雷鼎鳴談金融海嘯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載